Numero 12:8 - Manobo Western Bukidnon OT

⁸ Emun ebpekidlalag a kandin, ne iring te ebpeetuvangè key su keladu is kebpekidlalag ku. Ne iring ded te neehè e zin. Piru minsan pa te iyan haazà wazè kew mahandek he egkaǥi te mezaat he ebpekesuǥat diyà te suluǥuen ku he si Moises?”

Numero 12:8 교차 참조

Genesis 32:30

Migngezanan haazà ni Jacob he tanà te Peniel, he ke và dà egkeǥiya, “Neehè ku is dagwey te Megbevayà piru uuyag e zed.”

Salmo 17:15

Piru siak mulà, egkeehè ku sikew, su wazà a mebaal te salà. Emun egkepukew e en ne utew a zutun melipayen su egkeehè ku en sikew.

Salmo 49:4

Ebpemineg a te menge erubasa ne idseysey ku is menge kehuluǥan dan, dutun te edtukar a te alpa.

Exodus 19:19

ne mid-iseg is daǥing dutun te vudyung. Mibpekidlalag si Moises te Megbevayà ne nezineg dan daan is laǥeng te Megbevayà pinaaǥi te mezesen he ruǥung.

Exodus 20:4

“Kenè kew mebaal te ed-ezapen he ledawan te minsan hengkey he ziyà te langit, wey minsan hengkey he kayi te tanà, wey ziyà te wahig.

Exodus 33:11

Ed-etuvangen en te Nengazen si Moises emun edlelaǥan din; iring sikandin te etew he ebpekidlalag te emiǥu zin. Ne ed-ulì si Moises diyà te kampu. Ne sikan mulà is menguhed he maama he timbang din he iyan si Josue he anak ni Nun, ne kenà mulà ed-awà duen te Tulda.

Exodus 33:19

Ne midtavak is Nengazen te, “Ibpeehè ku kenikew is langun he keupiya ku ne egkeǥiyen ku ziyà te kenikew is mahal he ngazan ku he Nengazen. Siak is Nengazen egkehizuwan ku wey igkeǥaǥew ku is menge pinilì ku.

Exodus 33:23

Ne id-awè ku zutun is belad ku, ne egkeehè nu is peka ku piru kenè nu mulà egkaahà is kebuvuked ku.”

Exodus 34:30

Ne naahà ni Aaron wey zuen te langun he menge etew is kebpenganlag te zagwey ni Moises hein midtengtengan dan sikandin, ne nahandek sikandan he ed-uvey ziyà te kandin.

Erubasa 1:6

su wey zan mesavut is ibpesavut te menge erubasa, menge sempità, wey menge peentukà te menge metau.

Isaias 40:18

Umbe hentei is igkehindeg niw te Nengazen? Etawa hengkey is ibpetug-iring niw kandin?

Isaias 46:5

Hentei is ebpetug-iringan niw kediey? Duen be iring kedì?

Ezekiel 17:2

“Sikew is etew, keǥiya nu heini is sempità diyà te menge etew te Israel,

Ezekiel 20:49

Ne migkaǥi a te, “He Nengazen he MEGBEVAYÀ, egkaǥi is menge etew te sempitè dà is ebpengeǥiyen ku.”

Hoseas 12:13

Pinaaǥi te ebpeneuven ku he si Moises, ibpeǥawas ku sikiyu is menge Israilihanen diyà te Ehipto wey mid-elimahan ku.

Numero 14:14

Emun edèdeetan nu heini is menge etew nu, edtudtulen dan heini ziyà te menge meǥinged te Canaan. Ne heini is menge Canaanhen, nezineg dan en daan he iyan ka is Nengazen nekiduma te menge Israilihanen he mibpaahà pinaaǥi te ǥapun he egiya kandan. Edhuna ka kandan emun maandew pinaaǥi te ǥapun he henduen te tukud, ne emun mezukilem pinaaǥi te hapuy he henduen daan te tukud.

Numero 7:89

Emun edseled si Moises duen te Tulda he Edtelevukaayan su ebpekidlalag te Nengazen, egkezineg din is laǥeng he ebpekidlalag kandin puun duen te mid-elangan te zezuwa he ledawan te kirubin, he zuen te zivavew te tambun te Kavan te Kebpekid-uyun. Dutun ebpekidlalag is Nengazen ki Moises.

Deuteronomio 18:15

Kekenà, duen ebpeneuven te Nengazen he Megbevayè niw he iring kedì su zuma niw he Israilihanen. Kinahanglan he ebpemineǥen niw sikandin.

Deuteronomio 34:10

Puun dutun wazè en ebpeneuven diyà te Israel he iring ki Moises te nepurung mekilala te Nengazen.

Deuteronomio 4:15

“Hein nekidlalag keniyu is Nengazen diyà te Buntud he Sinai he ebpuun is laǥeng din diyà te teliwazà te hapuy, ne wazè niw naahà he purma te Nengazen. Umbe mebpekevantey kew,

Deuteronomio 5:8

“ ‘Kenè kew mebaal te ed-ezapen he ledawan te minsan hengkey he ziyà te langit, wey minsan hengkey he kayi te tanà, wey ziyà te wahig.