Numero 12:7 - Manobo Western Bukidnon OT

⁷ Piru kenà iring keniyan emun iyan ku edlelaǥan is suluǥuen ku he si Moises, he egkeseriǥan he pengulu te menge etew ku.

Numero 12:7 교차 참조

Job 1:8

Migkaǥi is Nengazen diyà te kandin te, “Neseǥipè nu ve is suluǥuen ku he si Job? Wazà iring kandin diyà te kelibutan. Metazeng sikandin wey wazà igkesawey kandin. Midtahud e zin wey ebpeninguhà he kenà mekevaal te mezaat.”

Salmo 105:26

Ne zutun midsuǥù din si Moises he suluǥuen din wey si Aaron he pinilì din.

Exodus 33:11

Ed-etuvangen en te Nengazen si Moises emun edlelaǥan din; iring sikandin te etew he ebpekidlalag te emiǥu zin. Ne ed-ulì si Moises diyà te kampu. Ne sikan mulà is menguhed he maama he timbang din he iyan si Josue he anak ni Nun, ne kenà mulà ed-awà duen te Tulda.

Deuteronomio 18:18

Edsuǥù a ziyà te kandan te ebpeneuven ku he iring kenikew, su zuma zan he Israilihanen. Ne ibpekaǥi ku kandin is langun he egkesuatan ku te egkaǥi ziyà te kandan.

Deuteronomio 34:5

Umbe, minatey si Moises he suluǥuen te Nengazen diyà te Moab, sumalà te nekaǥi te Nengazen.

Josue 1:1

Hein minatey en si Moises is suluǥuen te Nengazen, ne migkaǥi is Nengazen diyà te timbang ni Moises he si Josue he anak ni Nun te,

Josue 1:2

“Minatey en is suluǥuen ku he si Moises. Umbe sikew wey is langun he menge Israilihanen, pengendami niw is kedlayun niw te Wahig he Jordan pehendiyà te tanà he ibeǥey ku keniyu.