Numero 11:20 - Manobo Western Bukidnon OT

²⁰ kekena, senge vulan, taman te igkeutè niw heini su edsemuwen kew en. Su inselikwey a keniyu is nekiduma keniyu, ne midriklamu kew kayi te kedì he ke sikiyu te, deyzey pa ke wazè kew en med-awà diyà te Ehipto.’ ”

Numero 11:20 교차 참조

2 Samuel 12:10

Umbe, tenged te mibeelan nu, puun guntaan layun duen tebek wey ebpehimetayà diyà te pemilya nu, tenged te midsupak a kenikew ne migkuwa nu is esawa ni Uria.’

Salmo 106:15

Umbe, imbeǥey zin kandan is mibuyù dan, piru impaaǥi zin daan diyà te kandan is daru he inmeluya zan.

Exodus 16:13

Ne hein merusrusirem en, nenlepew is utew mahabet he menge piyuǥù diyà te migkempuwan dan ne samè dà kenà meketambun dutun te kampu zan. Ne hein meselem en, nengahames te zehemug is tanà dutun te migkempuwan dan.

Exodus 16:3

Ke sikandan te, “Deyzey pa ke ziyè key zà himetayi te Nengazen hein diyè key pa te Ehipto. Diyà, ne ebayèbayè key te minsan hengkey he egkekaan dey. Piru ǥuntaan, mid-uwit key kayi keniyu te sibsivayan wey key mengeumes.”

Exodus 16:8

Ne migkaǥi pa si Moises te, “Ebeǥayan kew te Nengazen te usa he egkekaan niw emun mezukilem wey emun meselem egkeveyangan kew te supas su nezineg din is kebegulbul niw ziyà te kandin. Ne egkesavut niw human he kenè key iyan mibegulbulan niw, kekenà, iyan is Nengazen. Hentei key ves is ebegulbulan niw?”

Erubasa 27:7

Is egkahantey en, ne minsan is teneb, kenè en sikandin egenahan he egkaan duen, iyan, is egkevitil, minsan is mepait, ne henduen be te meemis en is kegedgezama zin duen.

Malakias 1:6

Migkaǥi is Nengazen he Mekeǥeǥehem diyà te menge memumuhat, “Is anak, edtahud te amey zin, ne is suluǥuen, edtahud te egalen din. Piru maan is wazà a keniyu tehuza is amey niw wey egalen niw? Mibpesipelahan e pa keniyu. Piru mid-insè kew pa, ‘Mibmenumenu zey sikew te ebpesipala?’

Numero 11:13

Hendei a egkuwa te usa he para kayi he menge etew? Edtulung dan edriklamu kayi te kedì he veǥayi ku sikandan te usa he egkekaan dan.

Numero 11:19

Ne is kebpekekaan niw kayi, ne kenè dà seled te senga andew, etawa zezuwa he andew, etawa lelima, etawa sepulù, etawa 20 he andew,

Numero 11:21

Piru migkaǥi si Moises te, “600,000 langun is menge etew he zuma ku, ne ǥuntaan migkaǥi ka he ebeǥayan nu sikandan te usa he egkekaan dan seled te senge vulan?

Numero 14:3

Maan is ed-uwiten kiw pa te Nengazen dutun he tanà? Para zè be mebpematey kiw te tebek wey ebihaǥen is menge esawa tew wey menge anak tew? Deyzey pa vuwa ke edlikù kiw ziyà te Ehipto.”

Numero 14:4

Ne mibpelelelaǥè dan he ke sikandan te, “Deyzey pa ke ebpilì kiw te ebpekepengulu kenitew ne edlikù kiw ziyà te Ehipto.”

Numero 16:13

Kenè pe be ereg is kegkuwaa nu kenami ziyà te Ehipto he meupiya wey uuzaran is tanà duen su wey key kenikew mehimetayi kayi te sibsivayan? Ne ǥuntaan egkesuat ke pa he edhadìhadì kenami.

Numero 20:4

Maan is miduma key kenikew is menge etew te Nengazen kayi te sibsivayan su wey key mebpatey zuma te menge uyaǥen dey.

Numero 21:5

umbe, midriklamu sikandan diyà te Megbevayà wey ziyà te ki Moises. Ke sikandan te, “Maan is impeǥawas key pa kenikew ziyà te Ehipto su wey key kayi mebpematey te sibsivayan? Wazà keenen wey wahig kayi! Neperahan key en kayi te mesemu he ‘manna’.”

Josue 24:27

Ne migkeǥiyan ni Josue is langun he menge etew zutun te, “Heini is batu iyan tistiǥus te kebpekidlalag te Nengazen kenitew. Egkehimu heini he tistiǥus kuntra keniyu emun ed-iniyuǥan niw is Megbevayà.”

1 Samuel 10:19

Iyan a Megbevayè niw he midluwas keniyu te langun he ebpekekaid wey kegkerasey, piru ǥuntaan ed-iniyuǥan a keniyu. Su mibuyù kew te hadì he ebpengulu keniyu. Umbe ǥuntaan tiǥum kew kayi te edtuvangan ku he ebpesibsivayà is kada tribu wey kada sengeepuan.”

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.