Numero 10:25 - Manobo Western Bukidnon OT

²⁵ Is kinehuziyanan he midhipanew he ed-uwit te bendira zan iyan is grupu he ebpenguluwan te tribu ni Dan. Iyan sikandan nehimu he vantey ziyà te egkeiniyuǥan he para te langun he grupu. Is pengulu zan iyan si Ahiezer he anak ni Amishadai.

Numero 10:25 교차 참조

Isaias 52:12

Piru kayi he timpu kenè en kinahanglan he edegdeǥusu kew te ked-awà he iring te ebpelaǥuy kew su ebpetelihuna is Nengazen keniyu. Is Megbevayà te Israel iyan ebpengalang keniyu.

Isaias 58:8

Emun ebeelan niw heini, ebpekeuma ziyà te keniyu is kelibriyanan he iring te edsilà he andew, ne segugunè ku sikiyu ebewii wey kew meulii. Siak is metazeng he Megbevayè niw, ebpetelihuna a keniyu ne ebpengelangan ku sikiyu pinaaǥi te mekeǥeǥehem he kebpekiduma ku.

Numero 10:24

Ne is tribu ni Benjamin mibpenguluwan ni Abidan he anak ni Gideoni.

Numero 10:26

Is tribu ni Asher mibpenguluwan ni Pagiel he anak ni Ocran.

Josue 6:13

ne midhuna ǥihapun sikan is pitu he menge memumuhat he ebpezaǥing te menge vudyung. Ne iyan ded mibeelan duen te menge sundaru is: edhuna is duma ne is duma pa, edtinundug duen te Kavan te Kebpekid-uyun te Nengazen, ne idtulung dan en ibpezaǥing is menge vudyung.

Josue 6:9

Ne midhuna zuen te menge memumuhat he ebpezaǥing te menge vudyung dan is duma he menge sundaru, ne is duma pa edtinundug duen te Kavan te Kebpekid-uyun. Ne kena egkeengked is kedaǥing te menge vudyung.