Numero 10:21 - Manobo Western Bukidnon OT

²¹ Ne midtinundug kandan is menge kevuwazan ni Kohat he ed-uwit te segradu he menge gelemiten duen te Tulda he Ed-ezapan. Kinahanglan he igkepelastar en sikan is Tulda te kenè pa sikandan ebpekeuma ziyà te lugar he egkempuwan dan.

Numero 10:21 교차 참조

1 Cronica 15:2

Migkaǥi si David, “Wazà minsan hentei he ebpekeuwit te Kavan te Kebpekid-uyun te Megbevayà gawas te menge Levihanen, su iyan sikandan mibpilì te Nengazen he ibpeuwit te Kavan te Nengazen wey ebpenilbi ziyà te etuvangan din taman te taman.”

1 Cronica 23:24

Iyan heini menge kevuwazan ni Levi sumalà te menge pengulu ziyà te pemilya zan. Nelista is menge ngazan te kada sevaha kandan. Iyan dà neragkes dutun is ed-idad te 20 pehendiyà te metikang he ebpekepenilbi zuen te valey te Nengazen.

Numero 1:51

Emun idhalin haazà is Tulda, iyan sikandan ebaal kayi, ne emun ed-umanan ebenguna heini, ne iyan dan gihapun ebangun kayi. Ne is minsan hentei he kenà kevuwazan ni Levi he ebaal kayi he vuluhaten, ne edhimetayan.

Numero 10:17

Hein netines en sikan is Tulda he Ed-ezapan, midtival en heini te menge kevuwazan ni Gershon wey menge kevuwazan ni Merari. Ne midtinundug sikandan medhipanew.

Numero 10:20

Ne is tribu ni Gad mibpenguluwan ni Eliasaf he anak ni Deuel.

Numero 2:17

“Is edtinundug kandan iyan is tribu ni Levi he ed-uwit duen te Tulda he Edtelevukaayan. Is langun he tribu kinahanglan he ebpetuntunduǥà emun edhipanew sikandan, iring te kebplastar zan emun ke egkampu zan, he ziyà te dizalem te bendira he neketukid te kada tribu zan.

Numero 4:20

Su emun kenà sikandan edumahan, kenè dan medseled te ked-ahà te segradu he menge vutang minsan meǥaan dà, su wey zan kenà mebpatey.”

Numero 7:9

Piru wazà mulà beǥayi ni Moises te kerumata etawa vaka is menge kevuwazan ni Kohat su iyan sikandan midseriǥan te kedtiang duen te segradu he menge vutang duen te Tulda.