Numero 10:17 - Manobo Western Bukidnon OT

¹⁷ Hein netines en sikan is Tulda he Ed-ezapan, midtival en heini te menge kevuwazan ni Gershon wey menge kevuwazan ni Merari. Ne midtinundug sikandan medhipanew.

Numero 10:17 교차 참조

1 Cronica 23:24

Iyan heini menge kevuwazan ni Levi sumalà te menge pengulu ziyà te pemilya zan. Nelista is menge ngazan te kada sevaha kandan. Iyan dà neragkes dutun is ed-idad te 20 pehendiyà te metikang he ebpekepenilbi zuen te valey te Nengazen.

Numero 1:51

Emun idhalin haazà is Tulda, iyan sikandan ebaal kayi, ne emun ed-umanan ebenguna heini, ne iyan dan gihapun ebangun kayi. Ne is minsan hentei he kenà kevuwazan ni Levi he ebaal kayi he vuluhaten, ne edhimetayan.

Numero 10:16

Ne is tribu ni Zebulun mibpenguluwan ni Eliab he anak ni Helon.

Numero 10:21

Ne midtinundug kandan is menge kevuwazan ni Kohat he ed-uwit te segradu he menge gelemiten duen te Tulda he Ed-ezapan. Kinahanglan he igkepelastar en sikan is Tulda te kenè pa sikandan ebpekeuma ziyà te lugar he egkempuwan dan.