Numero 1:50 - Manobo Western Bukidnon OT

⁵⁰ Kekenà, iveǥey kandan he ketengdanan is kedumala zuen te Tulda he Ed-ezapan he zutun itaǥù sikan is Kesuǥuan, wey is langun he ǥelemiten kayi. Iyan sikandan ed-uwit dutun te Tulda wey te langun he ǥelemiten kayi. Kinahanglan he ed-etimanen dan heini, ne kinahanglan he ziyè dan megkampu te ebpekeliǥuy kayi.

Numero 1:50 교차 참조

2 Cronica 24:6

Umbe, impatawag ni Hadì Joash is lavew he memumuhat he si Jehoyada ne mid-insaan din te, “Maan is wazè nu ipekuwa te menge Levihanen is beleyazan te menge tig-Juda wey tig-Jerusalem? Kenè be insuǥù ni Moises he suluǥuen te Nengazen diyà te menge keet-etawan te Israel he iveǥey zan heini para te Tulda he midsevukan te Kesuǥuan?”

Nehemias 12:22

Hein timpu te kedhadì ni Darius ziyà te Persia, inlista is menge ngazan te menge pengulu te menge pemilya te menge memumuhat wey menge Levihanen, dutun te timpu te lavew he menge memumuhat he ensi Eliashib, Joyada, Johanan, wey si Jadua.

Nehemias 12:47

Umbe, hein timpu ni Zerubabel wey ni Nehemias, is langun he menge Israilihanen mibeǥey te menge halad he para te menge perekanta wey te menge vantey te menge ǥemawan te valey te Nengazen, wey ragkes is para te menge Levihanen. Ne is nezawat te menge Levihanen, mibehinan dan dutun is menge memumuhat he menge kevuwazan ni Aaron.

Nehemias 12:8

Is menge Levihanen iyan ensi Jeshua, Binui, Kadmiel, Sherebia, Juda, wey si Matania. Si Matania wey is menge zuma zin iyan midseriǥan te kegkanta te menge kentahan he para te kebpeselamat.

Nehemias 13:22

Ne mibmenduan ku is menge Levihanen he mebpekelumpiyu zan, ne ventayi zan is menge pultahan su para isipa te menge etew he segradu he andew is Andew te Kedhimeley. Ne zutun mid-ampù a, ke siak te, “He Megbevayè ku, is-isipa nu heini is mibeelan ku, ne kehizuwi a kenikew sumalà te kezekelà te gaǥew nu.”

Nehemias 13:5

midtuǥutan din si Tobia te kegamit te zekelà he ruǥu zuen te valey te Nengazen. Heini he ruǥu egkeǥemit he para budiga te menge pemuhat he para gasa, beyewà, menge gelemiten dutun te valey te Nengazen, menge halad te menge memumuhat, menge ikepulù he trigu, binu, wey lana, he sumalà te Kesuǥuan para haazà te menge Levihanen, menge perekanta, wey te menge vantey te menge ǥemawan te valey te Nengazen.

Salmo 122:4

Kayi ebpevayà is menge tribu te Israel te kedalig te Nengazen, su iyan heini insuǥù din kandan.

Exodus 31:18

Ne hein nekepasad is Nengazen he ebpekidlalag ki Moises diyà te puntur te Buntud he Sinai, imbeǥey zin diyà te ki Moises is dezuwa he midlumpipì he vatu he zutun isurat te Megbevayà is menge velaud din.

Exodus 38:21

Iyan heini menge himan he neǥamit te kebpehitindeǥa zuen te Tulda he Ed-ezapan he zutun itaǥù sikan is Kesuǥuan. Heini is menge himan, inlista te menge kevuwazan ni Levi sumalà te suǥù ni Moises. Heini he vuluhaten, iyan midumala zuen si Itamar he anak ni Aaron he memumuhat.

Numero 1:53

Piru is menge kevuwazan ni Levi, kinahanglan he ziyà megkampu te ebpekeliǥuy zuen te Tulda he midteǥuan te Kesuǥuan, su wey ku kenà mepeuki is menge etew te Israel. Ketengdanan te menge kevuwazan ni Levi is ked-atur zuen te Tulda.”

Numero 10:21

Ne midtinundug kandan is menge kevuwazan ni Kohat he ed-uwit te segradu he menge gelemiten duen te Tulda he Ed-ezapan. Kinahanglan he igkepelastar en sikan is Tulda te kenè pa sikandan ebpekeuma ziyà te lugar he egkempuwan dan.

Numero 17:7

Insavuk ni Moises haazà is langun he tuked diyà te etuvangan te Nengazen diyà te Tulda he midsevukan te Kesuǥuan.

Numero 18:5

“Ne kenikew he ketengdanan wey te menge anak nu is ked-atur zuen te Segradu he Lugar wey te pemuhatà, para kenè ku en meumani mepeuki is menge Israilihanen.

Numero 2:17

“Is edtinundug kandan iyan is tribu ni Levi he ed-uwit duen te Tulda he Edtelevukaayan. Is langun he tribu kinahanglan he ebpetuntunduǥà emun edhipanew sikandan, iring te kebplastar zan emun ke egkampu zan, he ziyà te dizalem te bendira he neketukid te kada tribu zan.

Numero 20:11

Ne imbayew ni Moises sikan is tuked din ne midlagkut din te kezezuwa sikan is batu, ne midlepew zutun is wahig, ne mid-inum is menge etew wey is menge uyaǥen dan.

Numero 4:15

“Emun egkepasad en ni Aaron wey te menge anak din te edtambun sikan is Tulda he Edtelevukaayan wey is langun he menge gelemiten kayi, ne edtivalen heini te menge kevuwazan ni Kohat dutun te timpu te ked-awè niw puun te kampu niw. Piru kinahanglan he kenè dan semsama heini is segradu he menge vutang su wey zan kenà mebpatey. “Iyan haazà sikan is menge gelemiten duen te Tulda he Edtelevukaayan he ed-uwiten te menge kevuwazan ni Kohat.

Numero 4:3

Bilanga niw is langun he maama he is penuiǥen dan 30 pehendiyà te 50 he tuig, he ebpekehimu he ebpenilbi ziyà te Tulda he Edtelevukaayan.

Numero 8:19

Diyà te langun he menge Israilihanen, iyan is menge kevuwazan ni Levi mibpilì ku he ebpekeuǥup ki Aaron wey te menge anak din. Ebpenilbi sikandan diyà te Tulda he Edtelevukaayan para te menge Israilihanen, ne iyan sikandan ebaal te menge tulumanen he para mevelukasi is salà te menge Israilihanen, su para wazà kezeetan he egkehitavù kandan emun ed-uvey zan duen te Tulda he Edtelevukaayan.”

Numero 8:20

Umbe, mibeelan eni Moises, Aaron, wey te tivuuk he keet-etawan te Israel is insuǥù te Nengazen ki Moises he ebeelan diyà te menge kevuwazan ni Levi.

Numero 8:22

Ne kegkepasad dutun, nenilbi en is menge kevuwazan ni Levi ziyà te Tulda he Edtelevukaayan he zizalem te kedumala ni Aaron wey te menge anak din. Mibeelan dan diyà te menge kevuwazan ni Levi is insuǥù te Nengazen ki Moises.