Nehemias 9:4 - Manobo Western Bukidnon OT

⁴ Is duma he menge Levihanen nemenhitindeg diyà te heǥezan, is nenigudu medtawag te Nengazen he Megbevayè dan. Iyan sikandan ensi Jeshua, Kadmiel, Bani, Shebania, Buni, Sherebia, Bani, wey si Kenani.

Nehemias 9:4 교차 참조

2 Cronica 20:19

Ne nemenhitindeg is duma he menge Levihanen he ebpuun te menge pemilya ni Kohat wey ni Kora ne midalig dan te Nengazen he Megbevayà te Israel, te utew mezesen he laǥeng.

Nehemias 12:8

Is menge Levihanen iyan ensi Jeshua, Binui, Kadmiel, Sherebia, Juda, wey si Matania. Si Matania wey is menge zuma zin iyan midseriǥan te kegkanta te menge kentahan he para te kebpeselamat.

Nehemias 3:17

Is mibangun te sunud pa he vahin te verengbeng iyan is menge Levihanen he mibpenguluwan ni Rehum he anak ni Bani. Is sunud kandin iyan si Hashabia he pengulu te ketengà te distritu te Keila.

Nehemias 8:4

Midhitendeg si Ezra ziyà te metikang he intebladu he kayu he mibeelan para zutun he ketiǥuman. Ne ziyà te egkekewanan din midhitindeg si Matitia, si Shema, si Anaya, si Uria, si Hilkia, wey si Maasea. Ne ziyà te egkeǥivang din midhitindeg si Pedaya, si Mishael, si Malkia, si Hashum, si Hashbadana, si Zacarias, wey si Meshulam.

Nehemias 8:7

Ne hein midhitindeg en is menge etew, impesavut diyà te kandan is Kesuǥuan. Is mibpesavut kandan iyan is menge Levihanen he ensi Jeshua, Bani, Sherebia, Jamin, Akub, Shabetai, Hodia, Maasea, Kelita, Azaria, Jozabad, Hanan, wey si Pelaya.

Nehemias 9:5

Is menge Levihanen he nengumew para te ked-azap iyan ensi Jeshua, Kadmiel, Bani, Hashabnea, Sherebia, Hodia, Shebania, wey si Petahia. Ke sikandan te, “Hitindeg kew ne zeliǥa niw is wazà pidtemanan he Nengazen he Megbevayè niw!” Ne migkaǥi is menge etew te, “He Nengazen, ereg he edeliǥen is kegkemekeǥeǥehem nu! Is kegkemekeǥeǥehem nu lavew pa te egkekaǥi zey.

Salmo 130:1

Tenged te subra he kelised nengumew a ziyan te kenikew, Nengazen.

Salmo 3:4

Ed-umawen ku sikew, Nengazen, ne edtevaken a kenikew ziyà te segradu he vuvungan nu.

Salmo 77:1

Mibpekezaǥing a is ebuyù te tavang diyà te Megbevayà. Nengumew a su wey e zin mezineg.

Penhulùhulù 3:8

Minsan ebuyù e pa te tavang ne kenè e zin ebpemineǥen.