Nehemias 8:9 - Manobo Western Bukidnon OT

⁹ Dutun te ebpemineg is menge etew te menge lalag diyà te Kesuǥuan, nemekesineǥew sikandan. Migkaǥi ziyà te kandan si Nehemias he gubirnedur, si Ezra he memumuhat wey menunudlù te Kesuǥuan, wey is menge Levihanen he mibpesavut kandan te Kesuǥuan te, “Heini he andew segradu para te Nengazen he Megbevayè niw, umbe kenè kew sineǥew.”

Nehemias 8:9 교차 참조

2 Hadì 22:11

Ne hein nezineg dutun te hadì is ingkesurat duen te Libru te Kesuǥuan, mibindas din is bisti zin tenged te kegkeseeng din.

2 Hadì 22:19

Mibpemineg ku is pengemuyù nu tenged te kedsendit nu wey kebpekevevaa nu te keugelingen nu ziyà te etuvangan ku hein nezineg nu is migkaǥi ku he ebpekesuǥat kayi he lugar wey te menge meǥinged kayi, he edrewakan wey edezeetan heini he lugar. Mibindas nu is kumbalè nu wey midsineǥew ka ziyà te etuvangan ku su nekedsendit ka. Umbe siak is Nengazen migkaǥi a te,

2 Cronica 15:3

Meluǥayad he timpu ne wazà kilelalaa te menge Israilihanen is tutuu he Megbevayà; wazè dan menge memumuhat he mibpenurù kandan, wey wazè dan menge kesuǥuan.

2 Cronica 30:22

Nezeliǥan ni Hezekia is langun he menge Levihanen tenged te meupiya he terebahu he impeehè dan dutun te kebpenilbi zan te Nengazen. Ne mibpedayun is kedsilibra zan seled te pitu he andew. Migkaan dan is kandan he vahin dutun te menge pemuhat. Wey nemuhat dan te menge pemuhat he para te meupiya he kedepità, wey midalig dan is Nengazen he Megbevayà te menge kepuun dan.

2 Cronica 34:19

Ne hein nezineg dutun te hadì is ingkesurat diyà te kesuǥuan, mibindas din is kumbalè din he tuus te kegkeseeng din.

2 Cronica 34:21

“Insai niw is Nengazen para kedì wey para te nesamà he menge etew te Israel wey Juda mehitenged te ingkesurat kayi te libru he naahà. Utew kiw nepeuki te Nengazen su wazà medtuman is menge kepuun tew te lalag te Nengazen. Wazè kiw medtuman te menge ingkesurat kayi he libru.”

2 Cronica 35:3

Mibeǥayan din daan te menge vuluhaten is menge Levihanen he menge menunudlù te menge Israilihanen, he impehinungud para te kebpenilbi te Nengazen. Migkeǥiyan din sikandan te, “Ingkepelastar en is segradu he kavan diyà te valey te Nengazen he mibangun ni Solomon he anak ni David, ne kenè en kinahanglan he ebintingen niw pa. Gemita niw en is timpu niw te kebpenilbi te Nengazen he Megbevayè niw wey te menge etew zin he menge Israilihanen.

Ezra 2:63

Migkeǥiyan sikandan te gubirnedur ziyà te Juda he kenà egkehimu ke egkaan dan te menge keenen he impemuhat diyà te Megbevayà dutun te wazè pa memumuhat he nekeinsà diyà te Megbevayà mehitenged te kegkememumuhat dan pinaaǥi te veveraan he Urim wey Thumim.

Ezra 7:11

Iyan heini surat he imbeǥey ni Hadì Artaserkses diyà te ki Ezra he memumuhat wey menunudlù he nepurung metau te menge suǥù wey menge sulunuzen he imbeǥey te Nengazen he Megbevayà te Israel:

Nehemias 10:1

Is nehuna he mibpirma iyan si Gubirnedur Nehemias he anak ni Hacalia, wey si Zedekia.

Nehemias 12:26

Nenilbi heini sikandan hein timpu ni Joyakim he anak ni Jeshua wey apù ni Jozadak, wey te timpu ni Nehemias he gubirnedur wey ni Ezra he memumuhat wey menunudlù te Kesuǥuan.

Nehemias 7:65

Migkeǥiyan sikandan te gubirnedur te Juda he kenà egkehimu ke egkaan dan te menge keenen he impemuhat diyà te Megbevayà emun wazè pa memumuhat he ebpekeinsà diyà te Megbevayà mehitenged te kegkememumuhat dan pinaaǥi te dezuwa he beveraan he Urim wey Thumim he egemiten para metueni is egkesuatan te Megbevayà.

Nehemias 7:70

Is duma he menge pengulu te menge pemilya mid-amut te para te ked-umana kebenguna te valey te Nengazen. Is gubirnedur mibeǥey te walu he kilu he menge sinsilyu he vulawan, 50 he yehung he ǥelemiten diyà te valey te Nengazen, wey bisti he 530 he lukut he para te menge memumuhat.

Nehemias 8:2

Haazà he andew, iyan nehuna he andew te ikepitu he vulan, mid-uwit ni Ezra is Kesuǥuan diyà te etuvangan te menge etew–menge maama, menge vahi, wey menge vatà he zuen dan en hanew. Ne ziyà te pelasa he egkesineruwan te Pultahan Pehendiyà te Wahig, mibpekezaǥing sikandin is ebasa kayi puun te kedsilà te andew taman te meudtu. Ne mibpurungan pemineǥa haazà is Libru te Kesuǥuan te langun he menge etew zutun.

Megwewali 3:4

duen timpu te kedsineǥew wey timpu zaan te ked-engit, duen timpu te kedlalew wey timpu zaan te kedsayew,

Hoseas 4:6

“Egkengezeetan is menge etew ku su ǥeina te kurang dan te keuluwanen mehitenged kediey. Su sikiyu mismu is menge memumuhat inselikwey niw is paaǥi te kegketau mehitenged kedì, umbe idselikwey ku en daan sikiyu is menge memumuhat ku. Midlipatan niw is Kesuǥuan ku, umbe edlipatan ku zaan is menge anak niw.

Malakias 2:13

“Duen pa mibeelan niw: Impetiǥis niw is menge luhè niw ziyà te pemuhatà he para te Nengazen. Midsineǥew kew wey midlelendag su wazè din seǥipaa wey zewata is menge pemuhat niw.

Deuteronomio 12:12

Ne medlipey kew zutun diyà te etuvangan te Nengazen he Megbevayè niw, duma te menge anak niw, menge suluǥuen niw, wey is menge Levihanen he wazà mekepengevilin te tanà he ebpen-ubpà diyà te inged niw.

Deuteronomio 12:7

Ne ziyè kew egkaan te etuvangan te Nengazen he Megbevayè niw duma is menge pemilya niw, ne igkelipey niw is langun he nepasad niw su midtuvazan kew te Nengazen.

Deuteronomio 16:11

Ne medlipey kew ziyà te etuvangan te Nengazen he Megbevayè niw ziyà te lugar he ebpilien din he zutun sikandin ebeǥayi te zengeg. Silibra kew zuma te menge anak niw, menge suluǥuen niw, menge Levihanen he menge meǥinged diyà te menge inged niw, menge kenà Israilihanen, menge ilu wey menge valu he vahi he menge meǥinged diyà te menge inged niw.

Deuteronomio 26:14

Wazè ku heini keena zutun te timpu te kedlalew ku; wazè ku heini kevuta hein ed-isipen a he meremerik; wey wazè ku heini ipemuhat diyà te minatey. He Nengazen he Megbevayè ku, mibpezumazuma a kenikew. Mibeelan ku is langun he insuǥù nu kenami.