Nehemias 8:2 - Manobo Western Bukidnon OT

^2-3 Haazà he andew, iyan nehuna he andew te ikepitu he vulan, mid-uwit ni Ezra is Kesuǥuan diyà te etuvangan te menge etew–menge maama, menge vahi, wey menge vatà he zuen dan en hanew. Ne ziyà te pelasa he egkesineruwan te Pultahan Pehendiyà te Wahig, mibpekezaǥing sikandin is ebasa kayi puun te kedsilà te andew taman te meudtu. Ne mibpurungan pemineǥa haazà is Libru te Kesuǥuan te langun he menge etew zutun.

Nehemias 8:2 교차 참조

Nehemias 10:29

nesevaha key te kebpenangdù duma te menge pengulu zey he edtumanen dey is Kesuǥuan he imbeǥey te Megbevayà pinaaǥi te suluǥuen din he si Moises. Nenangdù key zaan he edewaten dey is rawak te Megbevayà emun kenè dey egketuman is insaad dey he ed-ikulen dey is langun he menge suǥù wey menge sulunuzen he imbeǥey te Nengazen he Megbevayè dey.

Nehemias 13:1

Hein mibesahan is menge etew zuen te Libru ni Moises dutun he andew, nevasa he ebenduwan is menge Amunihanen wey menge Moabitanhen te kedtampu ziyà te kedsevaha te menge etew te Megbevayà.

Nehemias 8:18

Andew-andew ne mibasa ni Ezra kes Libru te Kesuǥuan te Megbevayè diyà te etuvangan te menge etew, puun te nehuna he andew zutun te pista taman en te ketepusan he andew. Midsilibra zan haazà is pista taman te pitu he andew, ne te ikewalu he andew ne midtiǥum dan para te ked-azap te Nengazen, sumalà is diyà te Kesuǥuan.

Nehemias 8:9

Dutun te ebpemineg is menge etew te menge lalag diyà te Kesuǥuan, nemekesineǥew sikandan. Migkaǥi ziyà te kandan si Nehemias he gubirnedur, si Ezra he memumuhat wey menunudlù te Kesuǥuan, wey is menge Levihanen he mibpesavut kandan te Kesuǥuan te, “Heini he andew segradu para te Nengazen he Megbevayè niw, umbe kenè kew sineǥew.”

Nehemias 9:1

Hein ike-24 he andew zutun he vulan, midtiǥum is menge Israilihanen su ebpuasa zan. Migkukumbalà sikandan te saku wey mibpen-evuwan dan is ulu zan su ibpeehè dan is kedlalew zan.

Isaias 28:9

Ne edriklamu zan pa mehitenged kediey he ke sikandan te: “Hengkey ves is ked-isipa zin kenitew, menge vatà he sikan pa lutasa? Maan is binatà is kebpenurua zin kenitew?

Malakias 2:7

“Kinahanglan he is memumuhat he ebpenurù te hustu he ketau, ne iyan sikandin egkeinsaan te menge etew ke hengkey is hustu he ed-ul-ulahan.

Numero 29:1

“Diyà te egkehuna he andew te ikepitu he vulan, tiǥum kew para te ked-azap te Nengazen, ne kenè kew terebahu. Iyan heini andew te kebpezaǥing niw te menge trumpita.

Deuteronomio 17:18

“Emun ebpinuu en sikandin diyà te pinuuwè din te kedhadì, kinahanglan he egkupya ziyà te etuvangan te menge memuhat he menge kevuwazan ni Levi kayi he menge kesuǥuan te para mismu kandin.

Josue 8:35

Midtigseselimbaha vesaha ni Josue is menge suǥù ni Moises diyà te etuvangan te tivuuk he keet-etawan te Israel ragkes en is menge vahi, menge vatà, wey kenà menge Israilihanen he zuma zan he meǥinged.