Nehemias 8:1 - Manobo Western Bukidnon OT

¹ midtiǥum sikandan is langun diyà te Jerusalem, ne nepurung sikandan mesevaha ziyà te pelasa he egkesineruwan te Pultahan Pehendiyà te Wahig. Midhengyuan dan si Ezra he menunudlù te Kesuǥuan he kuwaa zin wey vesaha zin is Libru te Kesuǥuan ni Moises he ibpetuman te Nengazen te menge Israilihanen.

Nehemias 8:1 교차 참조

2 Hadì 23:2

Midhendiyà sikandin te valey te Nengazen duma te langun he menge etew ziyà te Juda wey Jerusalem puun te utew lavew is pid-etawan din pehendiyà te utew minus is pid-etawan din. Miduma zaan is menge memumuhat wey menge ebpeneuven. Mibasa ni Josia ziyà te kandan is langun he ingkesurat duen te Libru te Kebpekid-uyun te Megbevayà he naahà diyà te valey te Nengazen.

2 Cronica 34:15

Midtudtul zin diyà te ki Shafan, he sikritaryu te hadì, he neehè din diyà te valey te Nengazen is Libru te Kesuǥuan. Ne imbeǥey zin haazà diyà te ki Shafan,

2 Cronica 34:30

Midhendiyà sikandin te valey te Nengazen duma te langun he menge etew ziyà te Juda wey Jerusalem puun te utew lavew is pid-etawan din pehendiyà te utew minus is pid-etawan din. Miduma zaan is menge memumuhat wey menge Levihanen. Mibasa ni Josia ziyà te kandan is langun he ingkesurat duen te Libru te Kebpekid-uyun te Megbevayà he naahà diyà te valey te Nengazen.

Ezra 7:1

Kedlavey te mahabet he menge tuig, dutun te iyan hadì diyà te Persia si Artaserkses, nekeuma si Ezra ziyà te Jerusalem is ebpuun diyà te Babilonia. Heini si Ezra anak ni Seraya. Si Seraya anak ni Azaria. Si Azaria anak ni Hilkia. Si Hilkia anak ni Shalum. Si Shalum anak ni Zadok. Si Zadok anak ni Ahitub. Si Ahitub anak ni Amaria. Si Amaria anak ni Azaria. Si Azaria anak ni Merayot. Si Merayot anak ni Zerahia. Si Zerahia anak ni Uzi. Si Uzi anak ni Buki. Si Buki anak ni Abishua. Si Abishua anak ni Finehas. Si Finehas anak ni Eleazar. Si Eleazar anak ni Aaron te lavew he memumuhat. Si Ezra sevaha he menunudlù he nepurungan din metueni is Kesuǥuan ni Moises he imbeǥey te Nengazen he Megbevayà te Israel. Imbeǥey te hadì is langun he mibuyù ni Ezra su ǥeina te edtevangan sikandin te Nengazen he Megbevayè din.

Ezra 7:10

Midtevangan sikandin te Megbevayà su ǥeina te impehinungud din is keugelingen din pinaaǥi te ked-istudyu wey kedtuman te Kesuǥuan te Nengazen, wey kebpenurù te menge sulunuzen wey menge suǥù din diyà te menge Israilihanen.

Ezra 7:11

Iyan heini surat he imbeǥey ni Hadì Artaserkses diyà te ki Ezra he memumuhat wey menunudlù he nepurung metau te menge suǥù wey menge sulunuzen he imbeǥey te Nengazen he Megbevayà te Israel:

Nehemias 12:26

Nenilbi heini sikandan hein timpu ni Joyakim he anak ni Jeshua wey apù ni Jozadak, wey te timpu ni Nehemias he gubirnedur wey ni Ezra he memumuhat wey menunudlù te Kesuǥuan.

Nehemias 12:37

Hein nekeuma zan diyà te Pultahan Pehendiyà te Serebseb, midtekezeg dan diyà te mid-iring te heǥezan he ibpehendiyà te Inged ni David. Midseǥazan dan is turuǥan ni David taman te nekeuma zan diyà te Pultahan Pehendiyà te Wahig, diyà te zapit te edsilaan he kilid dutun te inged.

Nehemias 3:26

wey is menge suluǥuen diyà te valey te Nengazen he meǥinged diyà te mibuntud-buntud he Ofel. Mibangun dan is bahin te verengbeng he zapit te edsilaan, taman te Pultahan Pehendiyà te Wahig wey zuen te ebpekelapew he turi.

Nehemias 8:16

Umbe, nenguwa is menge etew te menge subpang ne mibeelan dan heini he lawig diyà te patag he atep te menge valey zan, diyà te lama te menge valey zan, diyà te lama te valey te Megbevayà, diyà te pelasa he ziyà te egkesineruwan te Pultahan Pehendiyà te Wahig, wey te Pultahan ni Efraim.

Isaias 8:20

Kinahanglan he is kesuǥuan wey penurù te Nengazen ne iyan niw ebpemineǥen. Emun duen menge etew he egkaǥi te supak te menge penurù te Nengazen, heeyan he menge etew wazà meteyawi is isip dan.

Leviticus 9:5

Umbe, mid-uwit dan diyà te egkesineruwan duen te Tulda he Edtelevukaayan is langun he insuǥù kandan ni Moises he uwita zan. Mid-amur-amur zan is langun diyà te etuvangan te Nengazen.

Malakias 4:4

“Tentenuzi niw is Kesuǥuan te suluǥuen ku he si Moises. Haazà he menge suǥù wey menge sulunuzen, imbeǥey ku kandin diyà te Horeb he para te langun he menge etew te Israel.

Deuteronomio 31:11

besaha niw heini he menge suǥù diyà te langun he menge Israilihanen emun edtiǥum en sikandan diyà te etuvangan te Nengazen he Megbevayè niw ziyà te lugar he ebpilien din.

Zatù 20:1

Is langun he menge Israilihanen puun te Dan pehendiyà te Beersheba, wey puun te Gilead, midtiǥum diyà te Mizpa, diyà te etuvangan te Nengazen.

Zatù 20:8

Nesevaha is menge etew zutun te kegkaǥi te, “Wazà med-ulì kenitew minsan sevaha.