Nehemias 7:7 - Manobo Western Bukidnon OT

⁷ Is nengulu kandan te kedlikù iyan si Zerubabel, si Jeshua, si Nehemias, si Azaria, si Raamia, si Nahamani, si Mordecai, si Bilshan, si Misperet, si Bigvai, si Nehum, wey si Baanah. Iyan heini lista te nevihag he menge Israilihanen piru nemen-ulì en:

Nehemias 7:7 교차 참조

Ezra 2:2

Is nengulu kandan dutun te ked-ulì dan, iyan ensi Zerubabel, Jeshua, Nehemias, Seraya, Reeleya, Mordecai, Bilshan, Mispar, Bigvai, Rehum, wey si Baanah. Iyan heini listahan te menge etew te Israel he nemen-ulì puun te kegkevihaǥa kandan:

Ezra 5:2

Nemineg kandan si Zerubabel he anak ni Shealtiel wey si Jeshua he anak ni Jozadak. Umbe midlaus dan is kebenguna zuen te valey te Megbevayà diyà te Jerusalem ne midtevangan sikandan dutun te zezuwa he ebpeneuven te Megbevayà.

Nehemias 11:3

Is duma he menge Israilihanen, ragkes is menge memumuhat, menge Levihanen, menge suluǥuen diyà te valey te Nengazen, wey is menge kevuwazan te menge suluǥuen ni Solomon, mibpedayun dan med-ubpà diyà te keugelingen dan he menge tanà diyà te nekedseselekawà he menge inged diyà te Juda. Is duma he menge etew ziyà te Juda wey Benjamin, diyà med-ubpà te Jerusalem. Iyan heini menge pengulu ziyà te prubinsya he Juda wey Benjamin he ziyà med-ubpà te Jerusalem. Is ebpuun diyà te tribu ni Juda: Si Ataya he anak ni Uzia. (Si Uzia anak ni Zacarias. Si Zacarias anak ni Amaria. Si Amaria anak ni Shefatia. Ne si Shefatia anak ni Mahalalel he ebpuun diyà te kevuwazan ni Perez.)

Nehemias 12:1

Iyan heini listahan te menge memumuhat wey menge Levihanen he mid-ulì puun te kegkevihaǥa kandan duma ki Zerubabel he anak ni Shealtiel wey ki Jeshua he lavew he memumuhat. Is menge memumuhat kandan iyan ensi Seraya, Jeremias, Ezra, Amaria, Maluc, Hatush, Shecania, Rehum, Meremot, Iddo, Ginetoi, Abia, Miamin, Moadia, Bilga, Shemaya, Joyarib, Jedaya, Salu, Amok, Hilkia, wey si Jedaya. Iyan sikandan menge pengulu te iring dan he menge memumuhat wey te menge zuma zan hein timpu ni Jeshua.

Nehemias 12:10

Si Jeshua amey ni Joyakim. Si Joyakim amey ni Eliashib. Si Eliashib amey ni Joyada.

Nehemias 2:2

Umbe, mid-insaan e zin te, “Maan is egkeseeng ke te wazè nu man daru? Kela ke zuen nu prublima.” Utew a migkulbai zutun,

Nehemias 7:6

Mahabet he menge Israilihanen diyà te prubinsya he Juda is mibihag ni Hadì Nebucadnezar ne miduma zin diyà te Babilonia. Ne ǥuntaan mid-awe en sikandan diyà te Babilonia su mid-ulì dan diyà te Jerusalem ne is duma ziyà te keugelingen dan he menge inged diyà te Juda.

Nehemias 7:8

Menge kevuwazan ni Parosh; 2,172 Shefatia; 372 Ara; 652 Pahat Moab (he ebpuun te pemilya ni Jeshua wey ni Joab); 2,818 Elam; 1,254 Zatu; 845 Zacai; 760 Binui; 648 Bebai; 628 Azgad; 2,322 Adonikam; 667 Bigvai; 2,067 Adin; 655 Ater (he egngezanan daan te Hezekia); 98 Hashum; 328 Bezai; 324 Harif; 112 Gibeon; 95

Ezekiel 1:11

Is dezuwa he pakpak dan nevekar ne neketemu ziyà te pakpak te avey zan, ne is dezuwa pa he pakpak dan neketambun te lawa zan.

Haggai 1:1

Dutun te nehuna he andew te ikeenem he vulan, dutun te ikezuwa he tuig te kedhadì ni Darius diyà te Persia, duen migkaǥi te Nengazen diyà te ki Zerubabel wey ki Josue pinaaǥi te ebpeneuven he si Haggai. Si Zerubabel he anak ni Shealtiel iyan gubirnedur ziyà te Juda, ne si Josue he anak ni Jehozadak iyan lavew he memumuhat.