Nehemias 7:3 - Manobo Western Bukidnon OT

³ Migkeǥiyan ku sikandin te, “Kenè niw pesegdana he ebirtu is menge pultahan te inged ke meudtu, minsan duen ebantey he menge vantey. Kinahanglan he edsirahan heini wey egkendeduwan. Ipevantey niw is menge vantey he meǥinged te Jerusalem. Is duma kandan diyè niw ipevantey te verengbeng te inged he uvey te menge valey zan, ne is duma pa ziyè niw ipevantey te zuma pa he menge vahin duen te verengbeng.”

Nehemias 7:3 교차 참조

Nehemias 13:19

Umbe, insuǥù ku he edsireduwan is pultahan te inged emun mezukilem te Birnis, ne kenà heini ed-ebriyen taman te egketapus is Andew te Kedhimeley. Impeventayan ku te menge etew ku is menge pultahan su para wazà minsan hengkey he velegyà he igkeseled dutun te inged te Andew te Kedhimeley.

Nehemias 3:23

Is sunud kandan iyan si Benjamin wey si Hashub. Mibangun dan is bahin te verengbeng he ebpekesinaru ziyà te valey zan. Is sunud kandan iyan si Azaria he anak ni Maasea wey apù ni Anania. Mibangun din is bahin te verengbeng he ziyà te kilid te valey zin.

Nehemias 7:2

Imbeǥey ku is ketengdanan te kedumala te Jerusalem diyà te suled ku he si Hanani, ne iyan duma zin si Hanania he peremandar te menge vantey te melig-en he kutà. Mibpilì ku si Hanania su egkeseriǥan sikandin wey zekelà is kedtahud din te Megbevayà lavew te kezekelan.

Nehemias 7:4

Dutun he timpu, minsan meluag is Jerusalem, deisey zà is menge meǥinged duen wey menge valey.

Salmo 127:1

Emun kenà edtavang is Nengazen te kedtukud te valey, ne kenà ebpulus is kahaǥù te midtukud kayi. Emun kenà ebentayan te Nengazen is inged, ne kenà ebpulus is kebentayi kayi te menge vantey.

Salmo 147:13

Su midlig-enan din is menge pultahan te inged niw. Ne midtuvazan kew zin.