Nehemias 5:9 - Manobo Western Bukidnon OT

⁹ Ne impelaus ku is lalag ku, “Kenà meupiya is baal niw. Ereg pezem he egkezumahan te kegkahandek te Megbevayà is kebpengungubpaan niw su para kenè kiw sudia te menge etew ziyà te zuma he menge nasyun he menge kuntada tew.

Nehemias 5:9 교차 참조

Genesis 20:11

Midtavak si Abraham te, “Mid-ulaula ku heini, su neisip ku is kela ke wazà minsan sevaha kayi he edtahud te Megbevayà, umbe neisip ku is iring kayi su kela ke himetayi a keniyu ne egkuwaan niw is esawa ku.

Genesis 42:18

Ne zutun te iketelu he andew migkeǥiyan sikandan ni Jose te, “Duen ebpeveelan ku keniyu wey kew melibri su siak, edtahud a te Megbevayà.

2 Samuel 12:14

Piru tenged dutun te mibeelan nu he nekeveǥey te higayun diyà te menge kuntada te Nengazen he egkesumpalit sikandin, siguradu he ebpatey is anak nu.”

Nehemias 4:4

Ne zutun mid-ampù a, ke siak te, “He Megbevayè dey, pemineǥa key kenikew su edsusudien key. Deyzey ke ziyà egkehitavù te kandan is menge insultu zan kenami. Berakat he vihaǥa sikandan diyà te zuma he lugar.

Nehemias 5:10

Siak mismu wey is menge kezuzumahi ku wey menge etew ku mibpesambey key te selapì wey trigu ziyà te menge zuma tew he edlised. Piru ǥuntaan kenè tew en sikandan ibpevayad te menge utang dan.

Nehemias 5:15

Piru is menge gubirnedur he nehuna kediey nehimu he peveǥat te menge etew, su kada andew ebuyù dan te egkekaan dan wey egkeinum dan he vinu wey 40 he vuuk he pelata. Minsan is menge upisyal zan mibpehimulus diyà te menge etew. Piru wazè ku mulà haazà beeli, su zuen ku kedtahud te Megbevayà.

Salmo 90:11

Wazè pa nekesaǥad te ipiktu te zekelà he pauk nu. Ne zutun te ked-iseg te keuluwanen dey te pauk nu, ne ed-iseg daan is kedtahud dey kenikew.

Erubasa 16:29

Is etew he mesipala, egkelimbungan din is duma zin pinaaǥi te pesarig din, ne egkeuwit din diyà te kezeetan.

Erubasa 17:26

Kenà meupiya is kebpigada te etew he wazà mekesalà wey is kebuǥala te menge upisyal tenged te kedtinazeng dan.

Erubasa 18:5

Kenà meupiya is kedapig te selaan wey is kenà kebeǥey te kevenar ziyà te ebpekevenar.

Erubasa 19:2

Kenà meupiya emun tekew ki en egkeleglegetayi te wazè ta metueni is ked-ul-ula zuen wey is egkehimu he rimeǥas din. Kenà meupiya is kedegdeǥusu su kela ke mesayep ki.

Erubasa 24:23

Heini pa is duma he menge erubasa te menge etew he uluwanen: Kenà meupiya is kedhukum nu he zuen nu ibpelavi.

Ezekiel 36:20

Minsan hendei he nasyun is egkepeveyaan dan, egkependezeisey zan is waǥas he ngazan ku. Su egkaǥi is menge etew te, ‘Menge etew sikandan te Nengazen, piru midsegseg din sikandan puun te tanè dan.’

Leviticus 25:36

Ipesambey niw sikandin te selapì he kenà ibpetuvù, wey velegyai niw te keenen he kenè kew en egenansya, su wey sikandin meuyag-uyag. Beeli niw heeyan he paaǥi te kebpekilala te kedtehuza niw kedì te Megbevayè niw.

1 Samuel 2:24

Engkezi niw heeyan, menge anak, su kenà heini meupiya is nezineg ku puun te menge etew te Nengazen.”