Nehemias 5:7 - Manobo Western Bukidnon OT

⁷ Mibpurungan ku is-isipa haazà he kebpekesavuk, ne midsawey ku is menge pengulu wey menge upisyal ne ke siak te, “Edèdaaǥen niw is duma niw he menge meǥinged! Su emun ed-utang sikandan te selapì diyà te keniyu ne ibpetuvù niw.” Ne impeumew ku sikandan su edtiǥum key.

Nehemias 5:7 교차 참조

Salmo 109:11

Berakat he eǥawa te neutangan din is langun he menge azen din, wey verakat he kuwaa te menge lumelengyawà is hineǥuan din.

Salmo 15:1

Nengazen, hentei is edtuǥutan nu he mekeubpàubpà diyà te valey nu? Hentei is edtuǥutan nu he ebpekeubpà diyà te segradu he vuvungan nu?

Salmo 15:5

Kenè din ibpaanak is selapì he ibpeutang din, wey kenà sikandin egkeuwit te suhul emun ibpetistiǥus sikandin su wey mehukumi te silut is kenà dait he edsilutan.” Is etew he iyan heeyan ulaula zin, ne egkehimu sikandin he layun melig-en ne kenà sikandin egkewaleng te minsan keenu.

Salmo 27:8

Neǥezam ku kayi te ǥehinawa ku he ibpezangep a kenikew ziyan te kenikew, umbe kenà duwazuwa is kedangep ku ziyan te kenikew, Nengazen.

Salmo 4:4

Emun egkepauk kew, kinahanglan he kenè kew ebpekesalà tenged dutun. Ne emun edhizeǥè kew en diyà te menge hizeǥaan niw, pekelinawa niw is gehinawa niw ne purung kew ngunùngunù.

Salmo 94:16

Wazà duma he ebpeketavang kedì ke edsurungen a te lalung he menge etew, kekenà, iyan ke zà, Nengazen.

Exodus 22:24

Egkepeukan ku sikiyu emun edèdaaǥen niw is balu etawa ilu ne ebpengelinteuwan ku he mepatey kew te ǥumaan su wey mevalu is menge esawa niw, ne wey meilu is menge anak niw.

Exodus 22:25

“Emun ibpesambey niw te selapì is minsan hentei he etew ku he pubri, kenè niw pursintuwi iringi te ebeelan te zuma he ebpemesambey te selapì.

Erubasa 27:5

Deyzey pa is kedawey te egkesayep diyà te etuvangan te sevaha he etew kenà ke egkaǥi ka te, igkeǥaǥew nu sikandin piru ebey-anan nu zà sikandin.

Erubasa 28:4

Is etew he kenà edtuman te Kesuǥuan, igkesuat din is kelelalung, iyan, is etew he edtuman kayi, igkeepes din mulà is kelelalung.

Ezekiel 22:12

Is duma mibpesuhul te kedhimatey te etew, is duma mibpeutang te utew zekelà is tuvù din, wey is duma midsepian tenged te kedlimbungi zin te zuma he etew. Nelipatan e zan en. Iyan a, is Nengazen he MEGBEVAYÀ, is migkaǥi kayi.

Ezekiel 45:9

Su iyan a is Nengazen he MEGBEVAYÀ, migkaǥi: Sikiyu is menge pengulu te Israel, subre en is mibeelan niw! Engkezi niw en is kebpenggulpi niw wey kebpendaagdaag, ne veeli niw is metazeng wey hustu. Kenè niw en eǥawi te tanà is menge etew ku.

Leviticus 19:15

Kinahanglan he meketezenganen wey hustu is kedhukum niw ziyà te hukmanan; kinahanglan he wazè niw ibpelavi, sepian etawa pubri.

Leviticus 25:36

Ipesambey niw sikandin te selapì he kenà ibpetuvù, wey velegyai niw te keenen he kenè kew en egenansya, su wey sikandin meuyag-uyag. Beeli niw heeyan he paaǥi te kebpekilala te kedtehuza niw kedì te Megbevayè niw.