Nehemias 5:6 - Manobo Western Bukidnon OT

⁶ Ne hein nezineg ku haazà is menge riklamu zan, utew a nepauk.

Nehemias 5:6 교차 참조

Nehemias 13:25

Umbe, mibpemeukan ku wey midrewakan ku heini he menge tig-Juda. Midlagkut ku is duma kandan wey migingit ku. Impepenangdù ku sikandan pinaaǥi te ngazan te Megbevayà, he sikandan wey is menge anak dan, ne kenè en mebpengesawa etawa mebpeesawa te kenà menge Israilihanen.

Nehemias 13:8

Ne tenged te utew ku kegkepauk, impenimbag ku is langun he menge gelemiten ni Tobia ziyà te ǥawas duen te ruǥu.

Nehemias 5:7

Mibpurungan ku is-isipa haazà he kebpekesavuk, ne midsawey ku is menge pengulu wey menge upisyal ne ke siak te, “Edèdaaǥen niw is duma niw he menge meǥinged! Su emun ed-utang sikandan te selapì diyà te keniyu ne ibpetuvù niw.” Ne impeumew ku sikandan su edtiǥum key.

Salmo 119:53

Dekelà is pauk ku, tenged te menge lalung he mid-iniyug te kesuǥuan nu.

Exodus 11:8

Ne is langun kayi te menge upisyal nu edhendiyà te kedì, ne edluhud dan diyà te etuvangan ku is egkaǥi te, ‘Genat ke en wey is langun he edsunud kenikew!’ Ne emun egkeuleule en heini ne egenat e en.” Ne zutun nepauk si Moises ne mid-ewaan din haazà is hadì.

Numero 16:15

Ne utew nepauk si Moises ne ke sikandin diyà te Nengazen te, “Kenè nu zewata is menge pemuhat dan. Wazà a mekesalà diyà te minsan hentei kandan; wazà minsan sevaha he asnu he migkuwa ku ziyà te kandan.”