Nehemias 4:7 - Manobo Western Bukidnon OT

⁷ Piru hein netuenan ni Sanbalat, ni Tobia, wey menge Arabo, menge tig-Amon, menge tig-Ashdod he ebpeniguduwan dey is kebangun te verengbeng te Jerusalem wey nesengseng en is menge vudsi kayi, ne nepauk sikandan.

Nehemias 4:7 교차 참조

Genesis 3:15

Edhimuwen ku he kuntada nu haazà is bahi, ne ebpekigkuntada zaan is kevuwazan din te kevuwazan nu. Edrupeten din is ulu nu ne edkeǥaten nu is palu zin.”

2 Hadì 24:2

Mibpengelinteuwan te Nengazen he surunga te menge tig-Babilonia, tig-Aram, tig-Moab, wey tig-Amon is Juda, sumalà te migkaǥi te Nengazen pinaaǥi te menge suluǥuen din he mibpenaub din.

2 Cronica 20:1

Neuma is timpu he migenat is menge Moabitanhen wey menge Amonihanen, duma zan is duma he menge Meunhanen su ebpekidtebek dan ki Jehoshafat.

Ezra 5:8

“Ibpehibelu zey kenikew, Mahal he Hadì, he midhendiyè key te prubinsya he Juda, diyà te ebengunan te valey te mekeǥeǥehem he Megbevayà. Dezekelà he menge vatu is egemiten te kebenguna zuen te simbahan, ne is menge verengbeng din midteuzan te menge trusu su wey mebmelig-en. Mesigudu sikandan he edterebahu, umbe meǥaan is kebenguna zan kayi.

Nehemias 2:10

Piru hein netuenan ni Sanbalat he tig-Horon wey ni Tobia he sevaha he upisyal he Amunihanen he nekeuma a is ed-uǥup te menge Israilihanen, nepauk utew sikandan.

Nehemias 2:19

Piru hein netuenan heini ni Sanbalat he tig-Horon, ni Tobia he sevaha he upisyal he Amunihanen, ni Geshem he Arabo, mid-undaunda key zan wey mid-engitan. Ke sikandan te, “Hengkey heeyan is ebeelan niw? Mibpelanu kew ve he ebpekidsukulà te hadì?”

Nehemias 4:1

Hein netudtulan si Sanbalat he mid-uman dey venguna is berengbeng, nepauk sikandin ne mid-undaunda key zin is menge Judio.

Nehemias 4:6

Mibpedayun key he edterebahu taman te nevangun dey en is ketengà te ketikang te verengbeng, su nenigudu medterebahu is menge etew.

Nehemias 4:8

Mibpelanu zan is langun he edsurungen dan is Jerusalem su para megurigew key.

Nehemias 6:16

Ne hein nezineg te menge kuntada zey ziyà te peliǥuy he menge nasyun he nepasad en is berengbeng, nahandek dan wey nepeel-elezan dan su nesavut dan he nepasad heini he vaal pinaaǥi te tavang te Megbevayà.

Jeremias 25:20

ragkes en is kenà menge Ehiptohanen he ed-ubpà dutun te Ehipto. Impeinum ku zaan is menge hadì wey menge etew kayi he menge lugar: Uz, menge meǥinged diyà te menge inged diyà te Filistia (he iyan is Ashkelon, Gaza, Ekron, wey Ashdod),

Jeremias 41:10

Mibihag ni Ishmael is nesamà he menge etew ziyà te Mizpa–is menge anak he vahi ni hadì Zedekia wey is menge etew he insarig ni Nebuzaradan ki Gedalia wey zin meetiman. Ne midlikù si Ishmael ziyà te Ammon duma te menge vihag din.

Amos 1:13

Iyan heini migkaǥi te Nengazen mehitenged te Ammon: “Tenged te kedtulung kebaal te salà te menge tig-Ammon, edsilutan ku sikandan. Su midsirian dan is memeǥingey he menge vahi ziyà te Gilead, su wey zan maangken heini he tanà.

Amos 1:8

Edezeetan ku is menge pengulu ziyà te Ashdod wey Ashkelon, ne edsilutan ku is menge tig-Ekron. Is menge Filistihanen he ebpekepelaǥuy te silut, ebpematey zaan. Iyan a, is Nengazen he Megbevayà migkaǥi kayi.”

Amos 3:9

Keǥiyi niw is menge pengulu he ed-ubpà diyà te melig-en he menge vahin te Ashdod wey is diyà te Ehipto he medtiǥum sikandan diyà te menge vuntud he nekeliǥuy te Samaria ne ahàa zan is kegubut kayi he inged wey is kedlisliseza te menge meǥinged kayi.

1 Samuel 11:2

Midtavak si Nahash te, “Egkehimu he ebaal a te kesebutan tew asal iyan egkesuatan ku is edluǥiten ku is kewanan he mata te kada sevaha keniyu wey mepeel-elezi is tivuuk he Israel.”