Nehemias 4:6 - Manobo Western Bukidnon OT

⁶ Mibpedayun key he edterebahu taman te nevangun dey en is ketengà te ketikang te verengbeng, su nenigudu medterebahu is menge etew.

Nehemias 4:6 교차 참조

1 Cronica 29:14

Piru hentei key, siak wey is keet-etawan ku, he ebpekeveǥey key te utew subra he iring kayi? Langun he menge vutang ne ziyà ebpuun te kenikew, ne ibeǥey zey kenikew is ebpuun ded kenikew.

1 Cronica 29:3

Ne tenged te kebmahala ku zutun te valey te Megbevayè ku, ne ibeǥey ku is keugelingen ku he vulawan wey pelata para te kebangun kayi, wazà lavet duen te menge gamit he inteǥana ku en para te segradu he valey te Nengazen.

2 Cronica 29:36

Midlipey si Hezekia wey is menge etew tenged te tavang te Megbevayà, su meǥaan dan dà nepasad is langun kayi.

Nehemias 4:5

Kenè nu sikandan peseyluwa su midhimu zan he mepauk ka ziyà te etuvangan dey te ebpemenerebahu te kebangun te verengbeng.”

Nehemias 4:7

Piru hein netuenan ni Sanbalat, ni Tobia, wey menge Arabo, menge tig-Amon, menge tig-Ashdod he ebpeniguduwan dey is kebangun te verengbeng te Jerusalem wey nesengseng en is menge vudsi kayi, ne nepauk sikandan.

Nehemias 6:15

Nepasad sikan is berengbeng hein ike-25 he andew te ikeenem he vulan, he iyan is bulan he Elul. Nepasad heini seled te 52 he andew.

Salmo 110:3

Dutun te andew te kedtebeka nu te menge kuntada nu, andam is menge etew nu te ked-uǥup kenikew. Is menge vetan-en he menge etew nu edhendiyà te kenikew zutun te segradu he menge vuvungan he henduen be sikandan te menge zehemug emun meselem.

Salmo 122:3

Is Jerusalem sevaha he inged he meupiya wey melig-en is kebenguna zuen.

Haggai 1:14

Umbe, mibaghet te Nengazen si Zerubabel, si Josue, wey is langun he zuma zan he menge Israilihanen he nemen-ulì diyà te Israel, te kebangun duen te valey te Nengazen he Megbevayè dan he Mekeǥeǥehem.