Nehemias 4:11 - Manobo Western Bukidnon OT

¹¹ Dutun daan he timpu, migkaǥi is menge kuntada zey te, “Edhendiyè kiw te kandan te meeles. Ne ebpenhimetayan tew sikandan su para meengked is kedterebahu zan.”

Nehemias 4:11 교차 참조

2 Samuel 17:2

Edsurungen dey sikandin su neveley pa, ne meluya sikandin. Egketentanan sikandin ne ebpemelaǥuy is langun he menge sakup din. Iyan dà si David edhimetayan ku,

Nehemias 4:10

Dutun he timpu, migkaǥi is menge tig-Juda te, “Neveley key en he edterebahu. Ne zekelè pa is nengerupet he vahin te verengbeng he kinahanglan he edhekuten. Umbe kenè dey heini egkehimu te edhimasad.”

Nehemias 4:12

Is menge Judio he meǥinged diyà te uvey zutun te menge kuntada zey, layun key zan edtudtuli mehitenged te pelanu zutun he menge etew te kedsurung kenami.

Nehemias 4:9

Piru nengemuyù key ziyà te Megbevayè dey. Ne maandew wey mezukilem duen ibpevantey zey su para kenè key mekeizi.

Salmo 56:6

Ed-eles-eles dan edtigum, ne ebentayan dan is langun he ebeelan ku su iyan tuyù dan is kedhimetayi zan kedì.

Isaias 47:11

Umbe, ebpekeuma ziyà te kenikew is kezeetan ne kenè nu egketuenan ke ebmenmenuwen nu te edsegseg pinaaǥi te kegkeselemengkiru nu. Ebpekeuma ziyà te kenikew is kezeetan he kenà egkehimu he ebayad ka para med-engked. Ebpeketik-ew ebpekeuma ziyà te kenikew is kezeetan he wazè nu isipa.