Is sunud kandin iyan si Jedaya he anak ni Harumaf. Mibangun din is bahin te verengbeng he uvey te valey zin. Is sunud kandin iyan si Hatush he anak ni Hashabnea.
Is sunud kandan iyan is anak ni Halohesh he si Shalum, he pengulu te ketengà he distritu te Jerusalem. Mid-uǥupan sikandin te menge anak din he menge vahi.
Is sunud kandin iyan is anak ni Azbuk he si Nehemias, he pengulu te ketengà te distritu te Bet Zur. Mibangun din is berengbeng he ebpekesinaru ziyà te penlevengà ni David taman diyà te pemeziǥuey he mibpeveelan wey ubpeey te menge sundaru.
Is mibangun te sunud pa he vahin te verengbeng iyan is menge Levihanen he mibpenguluwan ni Rehum he anak ni Bani. Is sunud kandin iyan si Hashabia he pengulu te ketengà te distritu te Keila.
