Nehemias 3:5 - Manobo Western Bukidnon OT

⁵ Ne is nekesunud kandin iyan is menge tig-Tekoa. Piru wazà medtuman is menge pengulu zan te ebpeveelan kandan te ebpemendumala te terebahu.

Nehemias 3:5 교차 참조

2 Samuel 14:2

Umbe, impetawag din is sevaha he vahi he uluwanen he ziyà te Tekoa. Hein nekeuma haazà is bahi, migkeǥiyan ni Joab te, “Uvag kun edlalew ka te minatey. Kukumbalè ka te visti he ibivisti te edlalew, ne kenè ka mebpurungpurung, kekenà, iringi nu is ulaula te vahi he neuǥet en is kedlalew zin tenged te minatey.

2 Cronica 11:6

Betlehem, Etam, Tekoa,

Nehemias 3:27

Is sunud kandan iyan is menge tig-Tekoa. Mibangun dan is bahin te verengbeng he puun te ebpekelapew te zekelà he turi taman te verengbeng diyà te mibuntud-buntud te Ofel. Ikezuwe en heini he vahin te verengbeng he mibangun dan.

Nehemias 3:4

Is mibangun te sunud he vahin duen te verengbeng iyan si Meremot he anak ni Uria wey apù ni Hakoz. Ne is sunud kandan iyan si Meshulam he anak ni Berekia wey apù ni Meshezabel. Ne is nekesunud pa iyan si Zadok he anak ni Baana.

Nehemias 3:6

Is mibangun te Zaan he Pultahan iyan si Joyada he anak ni Pasea wey si Meshulam he anak ni Besodea. Midsevukan dan heini te menge velavag, ne zutun dan itaud is menge lekeb, ne mibeelan dan te menge trangka.

Jeremias 27:12

Iyan ded heini he menge lalag migkaǥi ku ziyà te ki Hadì Zedekia he hadì te Juda. Migkaǥi a te, “Pesakup kew te hadì te Babilonia. Penilbi kew kandin wey te menge etew zin ne egkeuyag-uyag kew.

Jeremias 27:8

“ ‘Piru ǥuntaan, emun duen nasyun etawa ginhedian he kenà ebpenilbi etawa kenà ebpesakup ki Hadì Nebucadnezar he hadì te Babilonia, edsilutan ku haazà he nasyun etawa ginhedian pinaaǥi te tebek, bitil, wey menge zaru taman te igkepesakup ku sikandan ki Nebucadnezar.

Jeremias 6:1

“Pelaǥuy kew wey med-eles is menge kevuwazan ni Benjamin! Gawas kew ziyà te Jerusalem! Ipezaǥing niw is budyung diyà te Tekoa ne uyawi niw is Bet Hakerem. Su ebpekeuma is dekelà he kezeetan he ebpuun diyà te zizaya.

Amos 1:1

Iyan heini menge lalag ni Amos he tig-Tekoa he perevantey te menge kerehidu. Heini he menge lalag, ne mehitenged te Israel. Impezayag heini te Megbevayà diyà te kandin hein dezuwa pa he tuig human egkehitavù is linug, hein timpu he si Uzia iyan hadì diyà te Juda ne si Jeroboam he anak ni Joash iyan hadì diyà te Israel.

Zatù 5:23

Ne migkaǥi is belinsuǥuen te Nengazen te, “Edrewakan is Meroz! Ebpurungan edrewaki is menge meǥinged kayi su wazè dan medtavang hein ebpekidtebek is Nengazen te mekeǥeǥehem he menge etew.”