Nehemias 3:10 - Manobo Western Bukidnon OT

¹⁰ Is sunud kandin iyan si Jedaya he anak ni Harumaf. Mibangun din is bahin te verengbeng he uvey te valey zin. Is sunud kandin iyan si Hatush he anak ni Hashabnea.

Nehemias 3:10 교차 참조

Nehemias 3:11

Is mibangun te sunud pa he vahin te verengbeng wey Turi he zuen duen menge Hepuyan iyan si Malkia he anak ni Harim wey si Hashub he anak ni Pahat Moab.

Nehemias 3:23

Is sunud kandan iyan si Benjamin wey si Hashub. Mibangun dan is bahin te verengbeng he ebpekesinaru ziyà te valey zan. Is sunud kandan iyan si Azaria he anak ni Maasea wey apù ni Anania. Mibangun din is bahin te verengbeng he ziyà te kilid te valey zin.

Nehemias 3:9

Is sunud kandan iyan is anak ni Hur he si Refaya, he pengulu te ketengà te distritu te Jerusalem.

Nehemias 9:5

Is menge Levihanen he nengumew para te ked-azap iyan ensi Jeshua, Kadmiel, Bani, Hashabnea, Sherebia, Hodia, Shebania, wey si Petahia. Ke sikandan te, “Hitindeg kew ne zeliǥa niw is wazà pidtemanan he Nengazen he Megbevayè niw!” Ne migkaǥi is menge etew te, “He Nengazen, ereg he edeliǥen is kegkemekeǥeǥehem nu! Is kegkemekeǥeǥehem nu lavew pa te egkekaǥi zey.