Nehemias 3:1 - Manobo Western Bukidnon OT

¹ Is mibangun te Pultahan te menge Kerehidu iyan si Eliashib he lavew he memumuhat wey is duma zin he menge memumuhat. Ne hein nepasad dan te edtaud is menge lekeb kayi, impehinungud dan heini ziyà te Megbevayà. Mibangun dan daan wey impehinungud dan is menge verengbeng pehendiyà te Turi te Nenggatus wey Turi ni Hananel.

Nehemias 3:1 교차 참조

Nehemias 12:10

Si Jeshua amey ni Joyakim. Si Joyakim amey ni Eliashib. Si Eliashib amey ni Joyada.

Nehemias 12:30

Midhimu te menge memumuhat wey menge Levihanen is tulumanen te kebpenlumpiyu su wey sikandan melumpiyuwi, ne iyan daan haazà mibeelan dan wey melumpiyuwi is menge etew, is menge pultahan te inged wey is berengbeng kayi.

Nehemias 12:39

Ne puun dutun midlaus key ne mibayè key ziyà te Pultahan ni Efraim, diyà te Zaan he Pultahan, diyà te Pultahan te menge Isdà, diyà te Turi ni Hananel, wey ziyà te Turi te Nenggatus. Ne zutun mibayè key ziyà te Pultahan te menge Kerehidu ne mibpundu key ziyà te Pultahan te Bantey.

Nehemias 13:28

Si Joyada he anak te lavew he memumuhat he si Eliashib duen din anak he nekeesawa te anak ni Sanbalat he tig-Horon, umbe midsegseg ku sikandin.

Nehemias 13:4

Hein wazè pa haazà mehitavù, si Eliashib he memumuhat, he edumala te menge budiga ziyà te valey te Megbevayè dey he kezuzumahi ni Tobia,

Nehemias 3:20

Is sunud pa ne iyan si Baruc he anak ni Zabai. Mevaghet sikandin he mibangun te vahin te verengbeng puun te suyuk te verengbeng pehendiyà te pultahan diyà te leǥidlizan te valey ni Eliashib te lavew he memumuhat.

Nehemias 3:21

Is sunud kandin iyan si Meremot he anak ni Uria wey apù ni Hakoz. Mibangun din is bahin te verengbeng puun te pultahan he ziyà te leǥidlizan te valey ni Eliashib taman te kilid kayi he valey.

Nehemias 3:32

Is mibangun te vahin te verengbeng puun dutun he ruǥu taman te Pultahan te menge Kerehidu iyan is menge platiru wey menge nigusyanti.

Nehemias 6:1

Hein nezineg ni Sanbalat, ni Tobia, ni Geshem he Arabo, wey te zuma pa he menge kuntada zey he nepasad dey en is kebangun te verengbeng ne wazè en kayi menge vudsi, su iyan dà wazà iketaud is menge lekeb te menge pultahan.

Nehemias 7:1

Hein nepasad en is berengbeng te inged, wey ingkepenaud en is menge lekeb te menge pultahan kayi, mibpilì is edhimuwen he menge vantey te menge ǥemawan te valey te Nengazen, menge perekanta kayi, wey menge Levihanen.

Salmo 30:1

Edeliǥen ku sikew, Nengazen, su midlibri a kenikew te kezeetan ne wazè nu ituǥut he mekezayandayan is menge kuntada ku tenged te kebpekesavuk ku.

Salmo 48:12

Menge tig-Israel, liǥuya niw is Zion ne vilanga niw is menge turi kayi.

Erubasa 3:6

Minsan hengkey is ed-ul-ulahan nu ne isipa nu is Nengazen, ne iyan sikandin metau wey nu iyan meikul is metandang he zalan.

Erubasa 3:9

Beǥayi nu te zengeg is Nengazen pinaaǥi te kedhelaza nu te ketiǥeyunan nu wey te egkehuna he veǥas te langun he menge pinemula nu.

Jeremias 31:38

Mibpedayun megkaǥi is Nengazen te, “Egkeuma is timpu he ed-umanan ebenguna is Jerusalem puun te Turi ni Hananel pehendiyà te Pultahan diyà te Suyuk.

Daniel 9:25

“Kinahanglan he egketuenan nu wey egkesavut nu he puun te timpu te kebmandù ku he ed-umanan ebenguna is Jerusalem taman te kebpekeuma te pengulu he pinilì te Megbevayà, ne edlavey is 49 he tuig. Ne seled te 434 he tuig ed-umanan ebenguna is Jerusalem he zuen din menge pelasa wey pengalang. Ne timpu haazà te kesamuk.

Zacarias 14:10

Egkehimu he suǥud is tivuuk he tanà puun te Geba ziyà te zizaya pehendiyà te Rimon diyà te zivavà te Jerusalem. Piru ebmetikang is Jerusalem diyà te nepelestaran din, ne ed-ubpaan heini puun te pultahan ni Benjamin pehendiyà te nepelestaran te Kezaan he Pultahan, ne pehendiyè en te Pultahan diyà te Suyuk; wey puun te Turi ni Hananel pehendiyà te keresà te paras te hadì. Kenè en ed-umanen edezeeti is Jerusalem, ne is menge meǥinged kayi ebpengungubpaan en he wazà ebpekezezaat kandan.

Deuteronomio 20:5

“Ne zutun egkaǥi is menge upisyal te menge sundaru te, ‘Ke zuen keniyu veǥu pa he nekevangun te valey zin he wazè din pa ikepehinungud diyà te Nengazen, ne med-ulì sikandin su kela ke mepatey sikandin te tebek ne sengeeetew en is ebpekepehinungud duen te valey zin.