Nehemias 2:6 - Manobo Western Bukidnon OT

⁶ Ne mid-insà kayi te kediey haazà is hadì, ne sikan is rayna ebpimpinuu ziyà te avey zin, ke sikandin te, “Sengemenu keluǥayad is kegkeuǥet nu ziyà, wey keenu ka ed-ulì dini te Babilonia?” Ne migkaǥi ku kandin ke keenu a edlikù, ne midtuǥutan e zin.

Nehemias 2:6 교차 참조

Nehemias 1:11

Nengazen, pemineǥa nu is ampù ku te suluǥuen nu, wey is ampù te zuma he menge suluǥuen nu he igkelipey zan is kedtehuza kenikew. Pengelinteuwi nu he ituǥut te hadì is edhengyuen ku ziyà te kandin. Ne verakat he purungi e zin.” Dutun he timpu, iyan a edsilbi te vinu ziyà te hadì.

Nehemias 13:6

Wazà a ziyà te Jerusalem hein nehitavù haazà, su hein ike-32 he tuig te kedhadì ni Artaserkses diyà te Babilonia, midhendiyà a te kandin. Ne te huziyan he timpu midtuǥutan e zin

Nehemias 2:4

Mid-insà haazà is hadì te, “Hengkey is egkesuatan nu?” Dutun mid-ampù a ziyà te Megbevayà diyà te langit,

Nehemias 2:5

ne hein nekepasad a, midtavak ku haazà is hadì te, “Mahal he Hadì, emun nekepenunuat a kenikew, ne ke egkehimu, egkesuat a he ed-ulì diyà te Juda, su ed-umanan ku ebenguna is inged he Jerusalem he iyan midlevengan te menge kepuun ku.”

Nehemias 5:14

Seled te 12 he tuig te kebpenirbisyu ku he gubirnedur ziyà te Juda, he puun te ike-20 he tuig pehendiyà te ike-32 he tuig te kedhadì ni Artaserkses, wazà a mekezawat wey is menge kezuzumahi ku te keenen he para te gubirnedur.

Isaias 58:12

Ed-umanan ebenguna te menge kevuwazan niw is menge inged niw he neuǥet en he nevengkag, ne ebpurungan dan is daan en he menge pundasyun. Egngezanan kew he menge etew he memumurung te nerundus he menge verengbeng wey menge valey.

Isaias 61:4

Ed-umanan dan ebenguna is menge inged dan he neuǥet en he nevengkag.

Isaias 65:24

Dutun te kenè dan pa ebpekevuyù etawa zutun mismu te kebuyù dan, ne edtevaken ku en sikandan.

Daniel 9:25

“Kinahanglan he egketuenan nu wey egkesavut nu he puun te timpu te kebmandù ku he ed-umanan ebenguna is Jerusalem taman te kebpekeuma te pengulu he pinilì te Megbevayà, ne edlavey is 49 he tuig. Ne seled te 434 he tuig ed-umanan ebenguna is Jerusalem he zuen din menge pelasa wey pengalang. Ne timpu haazà te kesamuk.