Nehemias 2:5 - Manobo Western Bukidnon OT

⁵ ne hein nekepasad a, midtavak ku haazà is hadì te, “Mahal he Hadì, emun nekepenunuat a kenikew, ne ke egkehimu, egkesuat a he ed-ulì diyà te Juda, su ed-umanan ku ebenguna is inged he Jerusalem he iyan midlevengan te menge kepuun ku.”

Nehemias 2:5 교차 참조

2 Samuel 14:22

Midluhud si Joab su edtahud te hadì ne migkaǥi te, “Berakat he tuvazi ka te Nengazen, Mahal he Hadì. Guntaan netuenan ku he nezeliǥan a kenikew su midtuman nu is hangyù ku.”

Ezra 5:17

“Guntaan, Mahal he Hadì, ipesusi nu is menge surat he impetaǥù te menge hadì te Babilonia ke tutuu ve he insuǥù ni Hadì Cyrus is ked-umana kebenguna zuen te valey te Megbevayà diyà te Jerusalem. Ne ipetueni nu kenami ke hengkey is disisyun nu mehitenged kayi.”

Nehemias 2:4

Mid-insà haazà is hadì te, “Hengkey is egkesuatan nu?” Dutun mid-ampù a ziyà te Megbevayà diyà te langit,

Nehemias 2:6

Ne mid-insà kayi te kediey haazà is hadì, ne sikan is rayna ebpimpinuu ziyà te avey zin, ke sikandin te, “Sengemenu keluǥayad is kegkeuǥet nu ziyà, wey keenu ka ed-ulì dini te Babilonia?” Ne migkaǥi ku kandin ke keenu a edlikù, ne midtuǥutan e zin.

Ester 1:19

“Umbe ke meupiya zà te ǥehinawa nu, Mahal he Hadì, beeli nu is suǥù he iyan is: Kenè en maan ebpekeetuvang kenikew si Rayna Bashti te minsan keenu, ne is kegkerayna zin, ibeǥey nu en te zuma he edhuna pa kandin he meupiya. Ne iragkes nu heini he suǥù duen te menge kesuǥuan kayi te ǥinhedian tew he Persia wey Media su para kenà heini mahalin.

Ester 5:8

Emun tutuu he nekepenunuat a kenikew, wey kelipey nu is kebeǥey te ebuyuen ku, ne ed-umanan ku sikiyu ed-imbitara ki Haman te idlavung he id-andam ku keeselem para keniyu. Ne egkeǥiyen ku human is idhangyù ku kenikew.”

Ester 7:3

Ne zutun midtavak si Rayna Ester, “Mahal he Hadì, emun nekepenunuat a kenikew, iyan egkesuatan ku wey iyan edhengyuen ku is libriya a kenikew wey is menge emurè ku te inged te kemetayen wey is langun he kezumahan ku. Iyan heini ebuyuen ku kenikew.

Ester 8:5

Migkaǥi si Ester te, “Emun tutuu he ebpurungan a kenikew, Mahal he Hadì, wey nekepenunuat a kenikew, wey ke hustu ziyà te kenikew: Pevaal ka te velaud he kenè en edleusen edtumana sikan is suǥù ni Haman he anak ni Hamedata he kevuwazan ni Agag. Heini he suǥù impesurat ni Haman, ne egkaǥi te ebpuawen is langun he menge Judio ziyà te minsan hendei he prubinsya he sakup te ginhedian nu.

Erubasa 3:4

Emun ed-ul-ulahan nu heini, egkezeliǥan ka ne ebpekepenunuat ka te Megbevayà wey menge etew, ne meupiya is kedtengtengi zan kenikew.

Daniel 9:25

“Kinahanglan he egketuenan nu wey egkesavut nu he puun te timpu te kebmandù ku he ed-umanan ebenguna is Jerusalem taman te kebpekeuma te pengulu he pinilì te Megbevayà, ne edlavey is 49 he tuig. Ne seled te 434 he tuig ed-umanan ebenguna is Jerusalem he zuen din menge pelasa wey pengalang. Ne timpu haazà te kesamuk.

Ruth 2:13

Ne ke si Ruth te, “Utew zekelà is hizu nu kediey. Inmeupiya utew te ǥehinawa ku is menge lalag nu he menayù, minsan pa te siak wazè e en mekerepeng te menge suluǥuen nu.”