Nehemias 2:3 - Manobo Western Bukidnon OT

³ piru midtavak ku haazà is hadì te, “Mebmeluǥuyad is untung nu, Mahal he Hadì! Egkeseeng a su ǥeina te nevengkag is inged he midlevengan te menge kepuun ku ne neepur is menge pultahan din.”

Nehemias 2:3 교차 참조

1 Hadì 1:31

Ne zutun segugunà midluhud si Batsheba te kedtahud dutun te hadì, ke sikandin te, “Mahal he Hadì David, berakat he mebmeluǥayad is untung nu!”

2 Hadì 25:8

Ne hein ikepitu he andew te ikelima he vulan dutun te ike-19 he tuig te kedhadì ni Nebucadnezar ziyà te Babilonia, midhendiyà te Jerusalem is peremandar te menge vantey te Babilonia he si Nebuzaradan.

2 Cronica 21:20

Mibpenuiǥen si Jehoram te 32 he tuig hein nehimu sikandin he hadì. Diyà sikandin med-ubpà te Jerusalem, ne midhadì sikandin seled te walu he tuig. Dutun te kebpatey zin ne wazà neseeng kandin. Diyè ded ileveng te Inged ni David; piru wazà dutun te edlevengan te menge hadì.

2 Cronica 28:27

Hein minatey en si Ahaz, inleveng sikandin diyà te inged he Jerusalem piru kenà duen te penlevengà te menge hadì te Israel. Ne si Hezekia is anak din iyan nekeilis kandin te kedhadì.

2 Cronica 32:33

Hein minatey en si Hezekia, inleveng sikandin diyà te egkevuvungan he vahin te penlevengà te menge kevuwazan ni David. Mibeǥayan sikandin te zengeg te langun he menge etew te Juda wey Jerusalem dutun te kebpatey zin. Ne iyan is anak din he si Manase iyan nekeilis kandin te kedhadì.

2 Cronica 36:19

Mibinsulan dan is baley te Megbevayà wey mibengkag dan is berengbeng te Jerusalem. Mibinsulan dan daan is langun he melig-en he vahin dutun te inged, ne migevè dan is langun he mahalen he menge azen.

Nehemias 1:3

Midtavak dan te, “Ebpemenlised is menge nemenlikù diyà te Juda, ne ebpeel-elezan sikandan te menge etew ziyà te peliǥuy zan. Ne taman en guntaan wazè pa mepurungi is berengbeng te Jerusalem wey neepur is menge pultahan din.”

Nehemias 2:13

Migawas a zuen te Pultahan he Ebpekesinaru ziyà te Suǥud-suǥud ne midhendiyà a te Teheb he Dragun, ne ziyè e en te Pultahan te Pehendiyà te Timbaǥà te Besura. Mibpurungan ku susiya is nevengkag he menge verengbeng te Jerusalem wey is neepur he menge pultahan kayi.

Ester 8:6

Kenè ku egkaantus he egkeehè ku is kegkeǥerà te menge emurè ku te inged wey menge kezuzumahi ku.”

Salmo 102:14

Su heini he inged mibmahal ǥihapun te menge etew nu he menge suluǥuen nu minsan pa te nezeetan en heini.

Salmo 102:15

Is menge meǥinged diyà te menge nasyun, edtahud dan te Nengazen; is langun he menge hadì kayi te kelibutan edtahud diyà te etuvangan din.

Salmo 137:6

Berakat he kenà ad mekekaǥi emun kenè ku edtentenuzan wey ed-isipen he iyan ebpekeveǥey kedì te zekelà he kelipey is Jerusalem.

Salmo 38:7

Ne kenà meupiya is kegezamgezam ku kayi te tivuuk he lawa ku su ed-al-al is peka ku.

Jeremias 52:12

Ne hein ikesepulù he andew te ikelima he vulan dutun te ike-19 he tuig te kedhadì ni Nebucadnezar ziyà te Babilonia, midhendiyà te Jerusalem is peremandar te menge vantey te Babilonia he si Nebuzaradan.

Penhulùhulù 2:9

Netembunan te tanà is menge pultahan te inged. Nengevengkag is menge terangka kayi, su mibpemadti heini te Nengazen. Mibihag is menge hadì wey is dungganen he menge etew te Jerusalem. In-engked en ipenurù is kesuǥuan. Wazè en menge lalag te menge ebpeneuven he ebpuun diyà te Nengazen.

Daniel 2:4

Ne midtavak duen te menge menenagnà haazà is hadì te kineǥiyan he Aramico te, “Mebmeluǥayad is untung nu, Mahal he Hadì! Tudtula nu ziyà te kenami te menge suluǥuen nu is teǥeinep nu, ne idseysey zey ziyà te kenikew is kehuluǥan din.”

Daniel 3:9

Kesikandan diyà te ki Hadì Nebucadnezar te, “Mebmeluǥuyad is untung nu, Mahal he Hadì!

Daniel 5:10

Ne zutun te nezineg duen te rayna is keǥurub dan, ne mid-uvey sikandin diyà te kandan is egkaǥi te, “Mebmeluǥuyad is untung nu, Mahal he Hadì! Kenè ka mahandek wey meipeng,

Daniel 6:21

Ne midtavak si Daniel te, “Mebmeluǥayad is untung nu, Mahal he Hadì!

Daniel 6:6

Umbe, midhendiyà sikandan te hadì he ke sikandan te, “Mebmeluǥayad is untung nu, Mahal he Hadì!

Leviticus 26:31

Ebengkaǥen ku is menge inged niw wey menge simbahan niw, ne kenà ebpekepenunuat kedì is hemut te menge pemuhat niw.