Nehemias 2:12 - Manobo Western Bukidnon OT

¹² midsuǥuksuǥuk a hein liwazà te kezukileman duma te nepipira he menge zuma ku. Wazè ku keǥiya ziyà te minsan hentei is neǥezam ku he egkesuatan te Megbevayà he veeli ku tenged te Jerusalem. Wazà duma he uyaǥen he neuwit ku, kekenà, iyan dà is asnu he ed-untuzan ku.

Nehemias 2:12 교차 참조

Ezra 7:27

Migkaǥi si Ezra te: Ereg he edeliǥen is Nengazen, he Megbevayà te menge kepuun tew, he midwaleng din is gehinawa te hadì su wey zin meveǥayi te zengeg is baley te Nengazen diyà te Jerusalem.

Nehemias 2:11

Hein nekelavey en is tetelu he andew puun te kebpekeuma ku ziyà te Jerusalem,

Nehemias 2:13

Migawas a zuen te Pultahan he Ebpekesinaru ziyà te Suǥud-suǥud ne midhendiyà a te Teheb he Dragun, ne ziyè e en te Pultahan te Pehendiyà te Timbaǥà te Besura. Mibpurungan ku susiya is nevengkag he menge verengbeng te Jerusalem wey is neepur he menge pultahan kayi.

Salmo 122:6

Ampù kew para te meupiya he kebpekesavuk te menge etew ziyà te Jerusalem pinaaǥi te kegkaǥi te, “Berakat he mebmeuswaǥen is menge etew he mibmahal zan heini he inged.

Salmo 51:18

He Megbevayè ku, tuvazi nu is Zion, he iyan is inged he Jerusalem su igkelipey nu is kebaal kayi. Umana nu venguna sikan is menge verengbeng kayi.

Erubasa 12:23

Kenà ebpehivantug is etew he uluwanen mehitenged te netuenan din, piru is menge tulebung, ibpezalig dan mulà is tinulebung he menge vaal zan.

Megwewali 3:7

duen timpu te kebindas wey timpu zaan te kedapi, duen timpu te kebpereremek wey timpu zaan te kegkaǥi,

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Jeremias 32:40

Ebpekid-uyun a kandan te wazà pidtemanan, idsaad ku kandan he layun a ebaal te meupiya ziyà te kandan. Ebeǥayan ku sikandan te tinguhà te kedtahud kediey, su wey zan kenà med-awà kayi te kedì.

Amos 5:13

Umbe, tenged te kezaat te ulaula te menge etew kayi he timpu, is menge etew he nekesavut te egkesuatan te Megbevayà ebpereremek en.

Micas 7:5

“Ne ǥuntaan te utew en mezaat is ulaula te menge etew, ne kenè kew en sarig te menge emiǥu niw, minsan is utew niw menge emiǥu. Ne pekeventayi niw is menge lalag niw minsan diyà te minahal niw he esawa.

Josue 10:9

Tivuuk he kezukileman is kedhipanew eni Josue puun te Gilgal, ne midsurung dan is menge kuntada he wazà mekevantey.

Zatù 6:27

Umbe, miduma ni Gideon is sepulù he suluǥuen din ne mibeelan dan is insuǥù te Nengazen kandin. Piru mezukilem is kebeeli zin dutun su egkahandek sikandin te pemilya zin wey te menge emurè din te inged.

Zatù 9:32

Umbe, kengkuwan te mezukilem, dumaha nu is menge etew nu, ne eles kew zep-a ziyà te menge pemuleey ziyà te ǥawas kayi te inged.