Nehemias 13:3 - Manobo Western Bukidnon OT

³ Ne hein nezineg te menge Israilihanen haazà he kesuǥuan, wazè dan ipetampu kandan is kenà tutuu he menge Israilihanen.

Nehemias 13:3 교차 참조

Ezra 10:11

Ne ǥuntaan itug-an niw is menge salè niw ziyà te Nengazen, he Megbevayà te menge kepuun niw, ne veeli niw is egkesuatan din. Isivey niw is keugelingen niw ziyà te kenà menge Israilihanen he nekeliǥuy keniyu, wey suwayi niw is menge esawa niw he kenà menge Israilihanen.”

Ezra 9:2

Nemengesawa pa ganì sikandan wey is menge anak dan te menge vahi he ebpemuun keniyan he menge etew. Umbe is menge etew he pinilì te Megbevayà nesehuǥan te zuma he menge etew. Ne is menge pengulu tew wey menge upisyal iyan en nengulu te kebaal kayi.”

Nehemias 10:28

Is duma he menge etew ziyà te Israel, ragkes is menge memumuhat, menge Levihanen, menge vantey te menge ǥemawan te valey te Nengazen, menge perekanta, menge suluǥuen diyà te valey te Nengazen, wey is langun he nekidsivayà te kenà menge Israilihanen he meǥinged diyà te Israel su edtuman mulà te Kesuǥuan te Megbevayà, ragkes is menge esawa zan wey is menge anak dan he zuen dan en hanew,

Nehemias 9:2

Wazè dan ipetampu is kenà menge Israilihanen. Midhitindeg dan ne intug-an dan is menge salè dan wey is menge salà te menge kepuun dan.

Salmo 119:11

Edtipiǥan ku kayi te ǥehinawa ku is menge lalag nu, su wey a kenà mekesalà diyà te kenikew.

Salmo 119:9

Hengkey is ebeelan te vetan-en para lumpiyu is gehinawa zin? Is kinahanglan he ebeelan din iyan is kedsunud te lalag nu.

Exodus 12:38

Ne liyu kandan duen pa mahabet he menge etew he nemenduma kandan he kenà Israilihanen ne elin pa midtundan dan is menge uyaǥen dan he utew mahabet.

Erubasa 6:23

Su heini is menge suǥù dan wey menge penurù iring te sulù he ed-anlag diyà te kenikew. Ne is menge kedawey zan kenikew, ebpeketandang te vetasan nu, ebpekeuǥup wey ebpekepeluǥayad te untung nu.

Numero 11:4

Dutun he timpu, is grupu te kenà menge Israilihanen he nemenduma te menge Israilihanen midriklamu su egkesuat dan he egkaan te zuma he kelasi te menge keenen, ne is menge Israilihanen midriklamu zaan he ke sikandan te, “Deyzey pezem ke ebpekekaan kiw te usa.