Nehemias 13:2 - Manobo Western Bukidnon OT

² Su ǥeina te wazè dan beǥayi te keenen wey inumen is menge Israilihanen hein migawas is menge Israilihanen puun te Ehipto. Kekenà, midsuhulan dan si Baalam su wey zin rewaki is menge Israilihanen. Piru is rawak kandan midhimu te Megbevayà he penuvadtuvad.

Nehemias 13:2 교차 참조

Salmo 109:28

Midrewakan e zan, piru edtuvazan a mulà kenikew. Egkepeel-elezan is menge kuntada ku emun edsurungen e zan, ne egkelipey a mulà is suluǥuen nu.

Micas 6:5

He menge etew ku, tentenuzi niw he midsuǥù ni Hadì Balak he hadì te Moab si Balaam he anak ni Beor te kedrawak keniyu piru penuvadtuvad keniyu is impekaǥi ku ki Balaam. Tentenuzi niw zaan ke mibmenumenu ku sikiyu te edtavang hein midhipanew kew puun te Shitim pehendiyà te Gilgal. Tentenuzi niw heini he menge hitavù su wey niw meisip-isip is kedlibriya ku keniyu.”

Numero 23:18

Migkaǥi si Balaam te, “Hendini ka Balak he anak ni Zipor, ne pemineǥa a kenikew.

Deuteronomio 23:3

Is menge Amunihanen wey is menge Moabitanhen etawa minsan hentei te menge kevuwazan dan taman te ikesepulù he lapis, ne kenà egkehimu he edtampu te upakat he para te Nengazen.

Deuteronomio 23:4

Su wazà kew zan beǥayi te keenen etawa wahig hein midhipanew kew puun te Ehipto, ne midsuhulan dan pa si Balaam is anak ni Beor he tig-Petor ziyà te Aram Naharaim te kedrawak keniyu.

Deuteronomio 23:5

Piru wazà pemineǥa te Nengazen he Megbevayè niw si Balaam. Kekenà, midhimu zin he tuvad sikan is rawak pezem keniyu, su mahal kew te Nengazen he Megbevayè niw.