Nehemias 13:1 - Manobo Western Bukidnon OT

¹ Hein mibesahan is menge etew zuen te Libru ni Moises dutun he andew, nevasa he ebenduwan is menge Amunihanen wey menge Moabitanhen te kedtampu ziyà te kedsevaha te menge etew te Megbevayà.

Nehemias 13:1 교차 참조

2 Hadì 23:2

Midhendiyà sikandin te valey te Nengazen duma te langun he menge etew ziyà te Juda wey Jerusalem puun te utew lavew is pid-etawan din pehendiyà te utew minus is pid-etawan din. Miduma zaan is menge memumuhat wey menge ebpeneuven. Mibasa ni Josia ziyà te kandan is langun he ingkesurat duen te Libru te Kebpekid-uyun te Megbevayà he naahà diyà te valey te Nengazen.

Nehemias 13:23

Dutun daan he andew, netuenan ku he zuen menge tig-Juda he nengesawa te menge vahi he menge tig-Ashdod, tig-Amon, wey menge tig-Moab.

Nehemias 2:10

Piru hein netuenan ni Sanbalat he tig-Horon wey ni Tobia he sevaha he upisyal he Amunihanen he nekeuma a is ed-uǥup te menge Israilihanen, nepauk utew sikandan.

Nehemias 2:19

Piru hein netuenan heini ni Sanbalat he tig-Horon, ni Tobia he sevaha he upisyal he Amunihanen, ni Geshem he Arabo, mid-undaunda key zan wey mid-engitan. Ke sikandan te, “Hengkey heeyan is ebeelan niw? Mibpelanu kew ve he ebpekidsukulà te hadì?”

Nehemias 4:3

Ne migkaǥi zaan si Tobia he Amunihanen he ziyà te avey ni Sanbalat te, “Minsan laku zà is egampan keniyan he verengbeng ne egketempag en!”

Nehemias 8:2

Haazà he andew, iyan nehuna he andew te ikepitu he vulan, mid-uwit ni Ezra is Kesuǥuan diyà te etuvangan te menge etew–menge maama, menge vahi, wey menge vatà he zuen dan en hanew. Ne ziyà te pelasa he egkesineruwan te Pultahan Pehendiyà te Wahig, mibpekezaǥing sikandin is ebasa kayi puun te kedsilà te andew taman te meudtu. Ne mibpurungan pemineǥa haazà is Libru te Kesuǥuan te langun he menge etew zutun.

Nehemias 9:3

Wazà sikandan med-engked he edhitindeg seled te tetelu he uras dutun te kemulu zin pa ebesahan diyà te kandan is Kesuǥuan te Nengazen he Megbevayè dan. Ne seled te tetelu he uras is kedtug-ana zan te menge salè dan wey ked-ezapa zan te Nengazen he Megbevayè dan.

Isaias 34:16

Ahaa niw is libru te Nengazen ne vesaha niw. Wazà minsan hengkey he migkaǥi ku he kenà egketuman. Wazà minsan sevaha he egkaawà kayi he menge langgam, ne wazà sevaha kandan he wazè din paris. Su iyan heini kebayà te Nengazen, ne iyan mismu sikandin edtiǥum kayi he menge langgam.

Jeremias 48:1

Iyan heini migkaǥi te Nengazen he Mekeǥeǥehem, he Megbevayà te Israel, mehitenged te Moab: “Mekehizuhizu is menge tig-Nebo su edezeetan heini. Egkepeel-elezan wey ebihaǥen is menge tig-Kiriataim, ne egkengetempag is menge eputà dan he metikang he lugar.

Amos 1:13

Iyan heini migkaǥi te Nengazen mehitenged te Ammon: “Tenged te kedtulung kebaal te salà te menge tig-Ammon, edsilutan ku sikandan. Su midsirian dan is memeǥingey he menge vahi ziyà te Gilead, su wey zan maangken heini he tanà.

Numero 22:5

mibpesuǥuan din te menge menunudtulà si Balaam he anak ni Beor he meǥinged diyà te Petor he iyan tanà he mid-enakan kandin, he uvey te wahig he Eufrates. Iyan heini menge lalag ni Balak: “Duen menge etew he ebpuun diyà te Ehipto, utew sikandan mahabet ne kayi zan med-ubpà te uvey zey.