Nehemias 1:9 - Manobo Western Bukidnon OT

⁹ Piru emun edlikù kew zini te kediey ne edtumanen niw is menge suǥù ku, minsan ebpekepeyapat kew pa ziyà te kinemeziyuan he menge lugar, ed-umanan ku sikiyu edtiǥuma ziyà te lugar he mibpilì ku he zutun a ebeǥayi te zengeg.’

Nehemias 1:9 교차 참조

1 Hadì 8:48

pemineǥa nu is menge kebpengemuyù dan. Ne emun ebpekid-uliey sikandan kenikew te ebpuun te tivuuk he ǥehinawa zan wey isip dan diyà te lugar te menge kuntada zan he mibihag kandan, ne ebpengemuyù dan he ed-etuvang kayi te tanà he imbeǥey nu te menge kepuun dan, he iyan heini is inged he mibpilì nu, wey heini is baley nu he midtukud ku para te zengeg nu,

1 Hadì 9:3

Migkaǥi is Nengazen diyà te kandin te, “Nezineg ku is ampù nu wey hangyù nu kayi te kediey. Heini is baley ku he mibangun nu, mibpilì ku heini he lugar he kayi a ebeǥayi te zengeg taman te taman. Ebentayan ku heini wey layun ku ed-etura.

1 Cronica 16:35

Hangyù kew te, “Libriya key, Megbevayà he Menluluwas dey; geuza key puun te menge nasyun ne umana key tiǥuma ziyà te tanè dey, su para mekepeselamat key wey mekezalig key te kegkewaǥas nu.

Ezra 6:12

Berakat he dezeeti te Megbevayà he mibpilì te Jerusalem he zutun sikandin ebeǥayi te zengeg is minsan hentei he hadì etawa nasyun he edsupak kayi he suǥù wey edrundus te valey te Megbevayà diyà te Jerusalem. “Iyan a si Darius, is midsuǥù kayi. Ne ereg heini he edtumanen.”

Salmo 106:47

Libriya key, Nengazen he Megbevayè dey, ne kuwaa key puun te zuma he menge nasyun. Ne umana key tiǥuma ziyà te tanè dey, su para mekepeselamat key wey mekezalig key te kegkewaǥas nu.

Salmo 107:3

Su midtigum kew zin puun te menge tanà diyà te edsilaan, edsenlepan, dizaya, wey zivavà.

Salmo 147:2

Mid-umanan tukuza te Nengazen is inged he Jerusalem; wey midtiǥum din umana is menge kevuwazan ni Israel he nevihag.

Isaias 11:12

Ibayew te Nengazen is sevaha he bendirà su ibpeehè din te menge nasyun he edtiǥumen din en is menge etew zin diyà te Israel wey Juda he ebpuun te nekedseselekawà he vahin te kelibutan.

Isaias 27:12

Emun egkeume en haazà, edtiǥumen te Nengazen is menge Israilihanen puun te Wahig he Eufrates taman te zal-ug te Ehipto he iring te kedtiǥum te ginunas he trigu.

Isaias 56:8

Migkaǥi zaan is Nengazen he MEGBEVAYÀ he midtiǥum te menge vinihag he menge Israilihanen te, “Edtiǥumen ku pa is duma, gawas duen te zaan en he netiǥum ku.”

Jeremias 12:15

Piru ziyà te huziyan he timpu egkehizuwan ku heini he menge meǥinged ne idlikù ku sikandan diyà te keugelingen dan he tanà.

Jeremias 3:14

Migkaǥi pa is Nengazen, “Likù kew is kenà metinumanen he menge anak, su ǥaked ku sikiyu. Egkuwaan ku is sevaha etawa zezuwa keniyu ziyà te kada inged etawa tribu ne ed-uwiten ku ziyà te Jerusalem.

Jeremias 31:10

“Sikiyu is menge etew ziyà te menge nasyun, pemineǥa niw is egkeǥiyen ku te Nengazen, ne tudtula niw ziyà te meziyù he lugar: Impeyapat ku is menge Israilihanen, piru edtiǥumen ku zed sikandan, ne ebentayan ku sikandan iring te kebantey te ebantey te menge kerehidu.

Jeremias 32:37

edtiǥumen ku is menge etew ku puun te langun he lugar he zutun ku sikandan ipeyapat tenged te utew ku kegkepeuki kandan. Ed-umanan ku sikandan ed-uwita kayi he lugar ne ebpekepengungubpaan dan he melinawen.

Jeremias 6:22

Mid-uman pa megkaǥi is Nengazen te: “Tengteng kew! Duen menge sundaru he ebpekeuma he ebpemuun diyà te tanà he zizaya. Ebpuun sikandan diyà te sevaha he nasyun he mekeǥeǥehem he ziyà te meziyù he lugar he andam en te kedsurung.

Ezekiel 14:6

“Umbe ǥuntaan, keǥiyi nu is menge Israilihanen he siak, is Nengazen he MEGBEVAYÀ, migkaǥi a te: Helina niw is isip niw ne iselikwey niw is menge ed-ezapen niw wey engkezi niw is langun he utew mezaat he menge vaal.

Ezekiel 36:24

Su egkuwaan ku sikiyu puun diyà te nekedseselekawà he menge nasyun ne ed-uwiten ku sikiyu ziyà te keugelingen niw he tanà.

Leviticus 26:3

Emun edtumanen niw is menge sulunuzen he ibpesunud ku wey menge suǥù ku,

Zacarias 8:7

Edlibriyen ku is menge etew ku he mibihag pehendiyà te menge tanà diyà te edsilaan wey edsenlepan.

Deuteronomio 12:21

Emun meziyù diyà te keniyu is lugar he ebpilien te Nengazen he Megbevayè niw he zutun sikandin ebeǥayi te zengeg, egkehimu ke edlapè kew wey egkaan kew te menge vaka niw wey menge kerehidu niw ziyà te keugelingen niw he menge ubpeey. Ne sumalà is insuǥù ku keniyu, ebpekekaan kew taman te egkesuatan niw zuen te menge langgam he ibpekaan keniyu te Nengazen,

Deuteronomio 12:5

kekenà, dangep kew ziyà te Nengazen he Megbevayè niw ziyà te lugar he ebpilien din, ke hengkey he tribu is teǥiǥaked duen kayi te langun he menge tribu te Israel. Ne zutun niw ezapa is Nengazen su iyan haazà lugar he mibpilì din he zutun sikandin ebeǥayi te zengeg.

Deuteronomio 30:1

“Penenglitan, egkehitavù diyà te keniyu heini is menge tuvad wey menge rawak he nekaǥi ku ziyà te keniyu ne egketenuzan niw heini ke ziyè kew en te menge nasyun he impevihag kew kandan te Nengazen he Megbevayè niw.