Nehemias 1:5 - Manobo Western Bukidnon OT

⁵ Ke siak te, “Nengazen he Megbevayà diyà te langit, mekeǥeǥehem ka wey egkein-inuwan he Megbevayà. Edtumanen nu is paaǥi nu te kebpekid-uyun duma is kebmahala nu te menge ebmahal kenikew wey edtuman te menge suǥù nu.

Nehemias 1:5 교차 참조

1 Hadì 8:23

ne ke sikandin te mid-ampù te, “Nengazen, Megbevayà te Israel, wazè en Megbevayà he iring kenikew ziyan te langit wey kayi te tanà. Metinumanen ka te saad nu wey layun nu ibpaahà is kebmahala nu te menge suluǥuen nu he edsunud kenikew te tivuuk he ǥehinawa zan.

1 Cronica 17:21

Wey wazè en daan menge etew he iring te keet-etawan nu he menge Israilihanen. Iyan dà heini nasyun kayi te kelibutan he midluwas nu te kegkeuripen wey mehimu he keet-etawan nu. Nehimu ka he ventuǥan tenged te ǥehem nu wey egkein-inuwan he menge vaal nu hein midsegseg nu is menge etew ziyà te menge nasyun pinaaǥi te menge keet-etawan nu he midluwas nu puun te Ehipto.

Ezra 1:2

“Iyan heini impehibelu ni Hadì Cyrus he hadì te Persia: “Imbeǥey kedì te Nengazen he Megbevayà diyà te langit, is langun he ginhedian kayi te kelibutan, ne insarig din kedì is kebangun diyà te Jerusalem he sakup te Juda te valey he para kandin.

Nehemias 2:4

Mid-insà haazà is hadì te, “Hengkey is egkesuatan nu?” Dutun mid-ampù a ziyà te Megbevayà diyà te langit,

Nehemias 4:14

Ne zutun te kemulu ku pa ed-is-isipa is kebpekesavuk dey, impetawag ku is menge pengulu, menge upisyal, wey menge meǥinged, ne migkeǥiyan ku te, “Kenè kew mahandek te menge kuntada tew. Edtentenuzan tew zà is mekeǥeǥehem wey egkein-inuwan he Nengazen. Ebpekidtebek kiw su para melibri tew is menge kezuzumahi tew, menge anak tew, menge esawa tew, wey menge valey tew.”

Nehemias 4:8

Mibpelanu zan is langun he edsurungen dan is Jerusalem su para megurigew key.

Nehemias 9:32

“Sikew is Megbevayè dey, mekeǥeǥehem ka wey utew egkein-inuwi. Edtumanen nu is paaǥi nu te kebpekid-uyun wey ibpeehè nu is gaǥew nu. Ne ǥuntaan, kenè nu isipa he kenè key kenikew edtevangan kayi te kemereǥenan dey. Nekebmereǥen key is langun he menge etew nu, ragkes is menge hadì dey, is menge pengulu zey, is menge memumuhat dey, is menge ebpeneuven kayi te kenami, wey is menge kepuun dey, nekebmereǥen puun pa te timpu te kedlisliseza kenami te hadì te Asiria ne taman en guntaan.

Salmo 47:2

Utew telehuzen is Nengazen he iyan kes Utew Lavew he Megbevayà. Mekeǥeǥehem sikandin he hadì te tivuuk he kelibutan.

Salmo 76:8

Ebpuun te langit imbeǥey nu is kukuman nu. Ne nengahandek is menge etew kayi te kelibutan ne wazà sikandan mekekaǥi hein

Salmo 89:2

Idsangyew ku he utew melig-en is gaǥew nu he wazè din pidtemanan, ne iring te langit he kenà egkaawà.

Salmo 89:3

Migkaǥi ka te, “Midhimu ku is kebpekid-uyun ku te suluǥuen ku he si David, he mibpilì ku he egkehimu he hadì. Ne iyan heini impesarig ku kandin:

Salmo 89:8

Nengazen he Megbevayà he Mekeǥeǥehem, wazà minsan hentei he iring kenikew; mekeǥeǥehem ka wey metinumanen diyà te langun he ebeelan nu.

Exodus 20:6

Piru ibpeehè ku is keupiya ku ziyà te mahabet he lapis te kevuwazan he ebmahal kedì wey edtuman te menge suǥù ku.

Deuteronomio 7:12

Emun edtumanen niw heini he menge suǥù, wey ebpurungan niw edsunuza, edtumanen daan te Nengazen he Megbevayè niw is kebpekid-uyun din keniyu he iyan is ebmahalen kew zin, su iyan heini penangdù din diyà te menge kepuun niw.

Deuteronomio 7:21

Kenè kew mahandek kandan su zuma niw is Nengazen he Megbevayè niw, ne mekeǥeǥehem sikandin wey egkein-inuwan he Megbevayà.

Deuteronomio 7:9

Isipa niw he is Nengazen he Megbevayè niw, iyan dà Megbevayà. Egkeseriǥan sikandin he Megbevayà, ne edtumanen din is kebpekid-uyun din he iyan is kebmahala zin te mahabet he kevuwazan he ebmahal kandin wey edtuman te menge suǥù din.