Nahum 3:7 - Manobo Western Bukidnon OT

⁷ Ne edlikey is langun he ebpekaahà keniyu he ke sikandan te, ‘Newaǥey en is Nineve. Wazè en edsineǥew para kandin. Wazà edlangan kandin.’ ”

Nahum 3:7 교차 참조

Isaias 51:19

Dezuwa he vangkit is nehitavù kenikew: nevengkag ka tenged te tebek wey nerasey te vitil is menge etew nu. Wazà nesamà duen te menge etew nu he egkehimu he edigdig wey edlipey kenikew.

Jeremias 15:5

“Sikiyu is menge etew te Jerusalem, hentei vuwa is egkehizu keniyu? Hentei is egkeseeng keniyu? Hentei vuwa is ebpenginginsà ke hengkey en is kebpekesavuk niw? Wazà!

Jeremias 50:18

“Umbe siak, is Nengazen he Mekeǥeǥehem, he Megbevayà te Israel, migkaǥi a te, ‘Edsilutan ku is hadì te Babilonia iring te midsilutan ku is hadì te Asiria.

Jeremias 51:9

Migkaǥi is menge Israilihanen he ed-ubpà diyà te, “Mibpeniguduwan dey te ebawì is Babilonia piru kenè en sikandin egkeulian. Hendiyè kiw en, ed-awà kiw en kayi ne ed-ulì kiw ziyà te kenitew he menge lugar. Su nekesungkul en te langit is menge salè din, umbe edsilutan en sikandin te Nengazen.

Penhulùhulù 2:13

Sikiyu is menge meǥinged diyà te Jerusalem, hengkey is egkekaǥi ku ziyà te keniyu? Hengkey is egkehimu he ebpetug-iringan ku te kemeresayan niw? Is palì niw iring kezalem te zaǥat. Ne hentei is ebpekevawì keniyu?

Nahum 1:1

Is menge lalag kayi he libru, ne mehitenged te Nineve. Impahayag heini te Nengazen diyà te ki Nahum he tig-Elkosh.

Zefanias 2:13

“Edsilutan daan is menge tig-Asiria he ziyà te zizaya. Egkezeetan is Nineve wey egkeiring heini kemaza te disirtu.

Numero 16:34

Is langun he menge Israilihanen he nekeliǥuy kandan mibpekeziyù hein nezineg dan is kulehian duen te menge etew, su neisip dan he kela ke elin sikandan evelenga te tanà.