Nahum 3:6 - Manobo Western Bukidnon OT

⁶ Edrewakan ku sikiyu ne egkeiring kew te etew he midtimbaǥan te besura. Edtengteng keniyu is menge etew.

Nahum 3:6 교차 참조

Job 30:19

ne intimbag e zin diyà te vasak. Ne neiring a te eliyavuk wey avu.

Job 30:8

Wazè dan pulus wey wazà nekekilala kandan, ne midsegseg sikandan puun te tanè dan.

Job 9:31

id-ahuk e zin gihapun diyà te vesaken he vudsi, su para minsan is bisti ku egkeremerik kedì.

Jeremias 51:37

Egkevengkag heini he nasyun! Ed-engitan wey edtemayen heini he lugar, ne wazà ed-ubpè kayi gawas te leew he menge asu.

Penhulùhulù 3:16

Nengesepù is menge ngipen ku su impesepèsepè din kedì is pantad, ne impevudseng e zin diyà te tanà.

Ezekiel 16:37

Tenged kayi te mibeelan nu, edtiǥumen ku is langun he menge kumpadi nu he igkelilingey nu, is mibmahal nu wey ragkes en is egkeepesan nu. Edtiǥumen ku sikandan su wey ke zan kuntedaha, ne edlevasan ku sikew ziyà te etuvangan dan su wey ke zan maahà is lelevas.

Nahum 1:14

Iyan heini migkaǥi te Nengazen diyà te menge tig-Asiria: “Id-awè ku is menge kevuwazan niw wey edezeetan ku is ledawan he kayu etawa mital ziyà te simbahan he ed-ezapan niw te menge ed-ezapen niw. Ed-endamen ku en is menge edlevengan keniyu su kenè kew ereg he egkeuyag.”

Habakuk 2:16

Ne ǥuntaan iyan kew en maan egkepeel-elezan he iyan pezem egkesuatan niw he veǥayi kew te zengeg, su edsilutan kew iyan te Nengazen. Iring te ibpeinum kew zin te vinu su wey kew melangut ne wey maahà is kegkelevasi niw su wey kew meeled-eled.

Zefanias 2:15

Iyan heeyan egkehitavù diyà te inged he Nineve he mibpahambug is menge meǥinged duen he wazà ebpekekaid kandan, ne ke sikandan diyà te gehinawa zan te, ‘Wazè en duma he ebpekerepeng te kegkemekeǥeǥehem tew!’ Piru egkepurung heini egkezeeti he inged ne egkehimu zà heini he ubpeey te leew he menge langgam. Ne edsudien heini he inged te langun he sumeseǥazà kayi.”

Malakias 2:3

“Tenged keniyu ebmensuwen ku is menge kevuwazan niw. Idapug ku keniyu is binusbus te menge ibpemuhat niw, ne idtimbag ku sikiyu zuma kayi.

Malakias 2:9

Umbe, mibpengelinteuwan ku he sudia kew wey mepeel-elezi ziyà te etuvangan te langun he menge etew, su wazè niw sunuza is menge paaǥi ku, kekenà, ebpekelepew ziyà te kebpenurua niw te kesuǥuan he zuen niw ibpelavi.”