Nahum 3:18 - Manobo Western Bukidnon OT

¹⁸ Sikew is hadì te Asiria, ebpemematey is menge pengulu nu. Ebpekepeyapat is menge etew nu ziyà te menge vuntud, ne wazè en ebpeketiǥum kandan.

Nahum 3:18 교차 참조

1 Hadì 22:17

Umbe, migkaǥi si Micaya te, “Neehè ku pinaaǥi te mibpelewasan kedì he is menge Israilihanen ne nekedsusuwey ziyà te menge vuvungan he iring te menge kerehidu he wazà ed-elima kandan, ne migkaǥi is Nengazen te, ‘Heini he menge etew ne wazè dan en pengulu. Ipeulì sikandan he melinawen.’ ”

Exodus 15:16

“Uya, utew sikandan egkulbai. Pinaaǥi te ǥehem nu ebpeketireneb sikandan iring te vatu, taman te nekesaǥad en is menge etew he midlibri nu.

Isaias 13:14

Is menge midlangyew ziyà te Babilonia ebpemelaǥuy he ebpemenlikù diyà te menge lugar he ebpuunan dan ne henduen be te selazeng he ebpendel-asen. Ed-ulì dan he henduen be te kerehidu he wazè duen ebantey.

Isaias 47:1

Migkaǥi is Nengazen te, “Pinuu ka ziyà te tanà, Babilonia. Pinuu ka he wazè nu pinuuwà te kedhadì. Sikew is iring te vahi he wazè pa mehileveti kenè ke en edtewaǥen he mezagwey etawa meredtan.

Jeremias 50:18

“Umbe siak, is Nengazen he Mekeǥeǥehem, he Megbevayà te Israel, migkaǥi a te, ‘Edsilutan ku is hadì te Babilonia iring te midsilutan ku is hadì te Asiria.

Jeremias 51:39

Ne ǥeina te nevitil sikandan, ebpengemuran a para kandan. Edlenguten, edlipayen, wey ibpelipezeng ku sikandan he kenè en egkepukew.

Jeremias 51:57

Edlenguten ku is menge upisyal te Babilonia, is menge uluwanen he menge etew, menge perezumala, menge peremandar, wey is menge sundaru zan. Ebpekelipezeng dan ne kenè dan en egkepukew. Iyan a, is Hadì, migkaǥi kayi. Nengazen he Mekeǥeǥehem is ngazan ku.”