Nahum 3:13 - Manobo Western Bukidnon OT

¹³ Tengtengi niw man is menge sundaru niw–meluya he iring te menge vahi! Is menge trangka te pultahan te inged niw ne nengetutung en, umbe melemu zà heini he edselezan te menge kuntada niw.

Nahum 3:13 교차 참조

Salmo 107:16

Su mibpenggevè din is menge ǥemawan he brunsi, wey mibpemadtì din is menge rihas he putew.

Salmo 147:13

Su midlig-enan din is menge pultahan te inged niw. Ne midtuvazan kew zin.

Isaias 19:16

Dutun he timpu, is menge Ehiptohanen egkehimu he meluya iring te vahi. Ebpengerkeren sikandan tenged te kegkahandek dan te silut he idsilut kandan te Nengazen he Mekeǥeǥehem.

Jeremias 50:36

Ibpeǥezaman daan heini te teruen he menge ebpeneuven, ne ebuneǥen sikandan. Wey ziyà daan te menge sundaru zan, ne egkengeheratan dan utew!

Jeremias 50:37

Heini is ispada ibpeǥezaman daan te menge kudè din wey menge kerwahi, wey ziyà te langun he ebpuun te zuma he lugar he kezapig din. Ne edluyahan sikandan iring te vahi! Egkeulaula zaan heini ziyà te menge ketiǥeyunan din, ne ed-eǥawen heini.

Jeremias 51:30

Ed-engked en he ebpekidtebek is menge sundaru te Babilonia ne ziyè dan dà te kampu zan. Neewaan dan en te zesen ne egkeiring dan te vahi he meluya. Nevinsulan is menge valey ziyà te Babilonia wey nengezeetan is menge terangka te pultahan te menge inged kayi.

Obadias 1:9

Egkerkeren tenged te kegkahandek is menge sundaru niw he ziyà te inged he Teman, umbe pudu kew ebpatey is meǥinged diyà te Buvungan ni Esau.”

Nahum 2:6

Egkevengkag is menge peneng te wahig ne egkaanud is turuǥan niw.

Nahum 2:7

Ingkepahayag en he ebihaǥen kew ne edumahan diyà te zuma he lugar. Henduen be te egkuter he merepatik is sineǥawan te suluǥuen niw he menge vahi zutun te edtebpien dan is kumeng dan tenged te kedlalew zan.

Nahum 3:15

Piru keniyan mismu te lugar niw ebpemematey kew pinaaǥi te hapuy wey ispada, iring te menge pemuleey he mid-etaki te terapan. Mibmahabet kew iring te menge terapan!