5 Ebmendaran te hadì is menge upisyal te menge sundaru. Ebpemekeurambak en sikandan te kegaanggaan dan te ked-uvey ziyà te menge verengbeng niw su wey zan iketaud is pengalang te menge sundaru he edrundus duen te verengbeng.
Nengandam te keemuran is menge upisyal. Midempasan dan is ebpinuuwan dan. Migkaan sikandan wey mid-inum, ne netekewtekew zan te mibensaǥan sikandan te, “Hendini kew, pengandam kew para te tebek!”
Wazà minsan sevaha kandan he edluyahan wey ebpekeuseng, wazà minsan sevaha kandan he edhimeley etawa edlipezeng. Wazà bakes dan he egkepekas etawa hiket te sendalyas he egkevidtew.
Egketuenan te menge etew ziyà te menge nasyun kayi te tivuuk he kelibutan is keelezan niw wey kebpekesineǥew niw. Su ebpekedrurumbag is menge sundaru niw he egkengepiley.”
“Ipesurung niw te menge mememanà is Babilonia! Peliǥuwi niw para wazà ebpekepelaǥuy. Belesi niw sikandin sumalà te mibeelan din. Beeli niw ziyà te kandin is mibeelan din diyà te zuma, su midsukulan din is Nengazen, kes Waǥas he Megbevayà te Israel.
Egkeehè dan is edsurung he menge pereuntud te kudà, ed-ilak-ilak he menge ispada wey menge vangkew, wey utew mahabet he intambù he nemematey. Egkengeseligkat is menge sundaru te lawa te menge minatey.
Is menge kudè dan, meǥaan pa te langgam he liyupardu wey mesipala pa te dumezaas he asu he ebpen-ahà te egkekaan din emun mezukilem. Ebpelelaǥuy heini puun te meziyù he menge lugar, he henduen be te edlayang he kulaǥu he andam he edagmang te edewiyen din.
