Nahum 2:13 - Manobo Western Bukidnon OT

¹³ Su migkaǥi is Nengazen he Mekeǥeǥehem te, “Pemineg kew is menge tig-Nineve! Kuntada ku sikiyu! Umbe ebinsulan ku is menge kerwahi niw ne ebpematey te tebek is menge sundaru niw. Ibpeengkezan ku en keniyu is kebpendezaat niw kayi te kelibutan. Kenè kew en ebpekesuǥù te menge menunudtulà pehendiyà te zuma he menge nasyun te kegkaǥi ziyà te kandan ke hengkey is egkesuatan niw he ibpetuman kandan.”

Nahum 2:13 교차 참조

2 Hadì 18:17

Ne zutun te ziyà si Senakerib te Lakish, midsuǥù din is lavew he peremandar te menge sundaru zin, is egalen he upisyal zin, wey is peremandar te menge sundaru zin he zuen din mahabet he menge sundaru he medhendiyè dan te Jerusalem te kepekid-ahà ki Hadì Hezekia. Ne hein diyè dan en te ǥawas te Jerusalem, mibpundu zan diyà te uvey te edtudaan te wahig he ebpuun diyà te peneng, he ziyà te egkezivavew he ziyà te kilid te zalan he ibpehendiyà te lugar he pemìpiey.

2 Hadì 18:19

Migkaǥi ziyà te kandan sikan is peremandar te menge sundaru te, “Keǥiyi niw si Hezekia he iyan heini egkeǥiyen duen te mekeǥeǥehem he hadì te Asiria: “ ‘Hengkey is edseriǥan nu?

2 Hadì 19:23

Pinaaǥi te menge suluǥuen nu, midsudì a kenikew. Migkaǥi ke pa te, “Pinaaǥi te mahabet he menge kerwahi ku netekezeg ku is metikang he menge vuntud, is puntur te menge vuntud he Lebanon. Mibpemiley ku is kinetewisan he menge kayu he sidru kayi wey is kinemeupiyahan he menge sipris. Nekeuma a ziyà te puntur kayi he zuen duen merapung he menge kayu.

2 Hadì 19:9

Ne si Hadì Senakerib he hadì te Asiria, duen nezineg din he tudtul he si Hadì Tirhaka he hadì te Etiopia migenat en te kebpekidtebek kandin. Ne zutun, midsuǥù sikandin te menge menunudtulà diyà te ki Hezekia te kegkaǥi kayi he menge lalag:

2 Cronica 32:19

Heini he menge upisyal mezaat is menge lalag dan he ebpekesuǥat te Megbevayà he ed-ezapen te menge tig-Jerusalem iring te menge lalag dan he ebpekesuǥat daan diyà te menge ed-ezapen diyà te zuma he menge nasyun he bineelan dà te etew.

Salmo 46:9

Ibpeengked din is menge tebek kayi te tivuuk he kelibutan. Ebpemedtìen din is menge panà wey menge vangkew, ne idrapug din is menge kelasag.

Jeremias 21:13

Kuntada ku sikiyu is menge tig-Jerusalem, sikiyu is ebpemen-ubpà diyà te melig-en he lugar he ebpekepantew te suǥud. Sikiyu is ebpegalbu he egkaǥi te, ‘Kenè kiw egkemenu kayi! Wazà ebpekeseled kayi te melig-en he inged tew.’

Jeremias 46:14

“Jeremias, tudtula nu heini ziyà te Ehipto, Migdol, Memfis, wey Tapanhes: Pengandam kew su naandam en is ispada he idezaat keniyu.

Jeremias 50:31

“Siak, is Nengazen he MEGBEVAYÀ he Mekeǥeǥehem, migkaǥi a te, ‘Kuntada ku sikew he Babilonia he mepelevawen! Neume en is timpu te kedsiluti ku kenikew.

Jeremias 51:25

“Kuntada ku sikew is Babilonia, sikew is migngezanan te Buntud he Ebpendezaat! Midezeetan nu is tivuuk he kelibutan. Egemiten ku is gehem ku te kebpuawa kenikew ne ebinsulan ku sikew.

Ezekiel 13:8

“Umbe siak, is Nengazen he MEGBEVAYÀ migkaǥi a he edsupaken ku is tarù he menge tagnè dan wey kenà tutuu he menge nelewasan dan.

Ezekiel 21:3

Keǥiyi nu sikandan he siak, is Nengazen he MEGBEVAYÀ, migkaǥi a te, ‘Ebpekigkuntada a keniyu! Edhulevuten ku is ispada ku ne ebpenhimetayan ku sikiyu is langun, meupiya man etawa lalung he etew.

Ezekiel 26:3

Umbe iyan a, is Nengazen he MEGBEVAYÀ, migkaǥi he egkuntrahan ku is menge tig-Tyre. Ibpesurung ku heini te mahabet he menge nasyun, he edasmag iring te menge vaǥel.

Ezekiel 28:22

Keǥiyi nu is Sidon he iyan a is Nengazen he MEGBEVAYÀ migkaǥi te: Migkuntada ku sikew is Sidon. Edeliǥen a te menge etew emun edsilutan ku en sikew, ne egketuenan dan he iyan a Nengazen, wey egkeehè dan is kegkewaǥas ku.

Ezekiel 29:10

kuntada ku sikew wey is menge wahig nu. Edèdeetan ku is Ehipto ne egkehimu en heini he mekevulungbulung puun te Migdol pehendiyà te Aswan, taman te dulunà te Etiopia.

Ezekiel 29:3

Keǥiyi nu sikandin he iyan a is Nengazen he MEGBEVAYÀ migkaǥi te: Kuntada ku sikew, Faraon he hadì te Ehipto. Neiring ka te zekelà he vuaya he ed-ubpà diyà te menge wahig diyan te Ehipto. Migkaǥi ka te kenikew is Wahig he Nilo, ne mibeelan nu heini para mismu kenikew.

Ezekiel 35:3

Keǥiyi nu sikandan, he iyan a, is Nengazen he MEGBEVAYÀ migkaǥi te kuntada ku sikiyu is menge meǥinged diyà te Buntud he Seir. Edsilutan ku sikiyu ne egkehimu he mekevulungbulung is lugar niw.

Ezekiel 38:3

Keǥiyi nu sikandin he siak, is Nengazen he MEGBEVAYÀ, migkaǥi a te: He Gog, he pengulu te Meshec wey Tubal, egkuntedahan ku sikew.

Ezekiel 39:1

Migkaǥi is Nengazen kayi te kedì te, “Sikew is etew, kaǥi ka te ebpekesuǥat diyà te ki Gog. Keǥiyi nu sikandin he siak, is Nengazen he MEGBEVAYÀ, migkaǥi a te, ‘Kuntada ku sikew, Gog, is pengulu te Meshec wey Tubal.

Ezekiel 5:8

Umbe siak, is Nengazen he MEGBEVAYÀ, iyan a ebpekigkuntada keniyu. Edsilutan ku sikiyu te silut he egkaahà te menge etew ziyà te menge nasyun.

Nahum 3:1

Mekerurunù is inged he Nineve, is inged te menge kriminal wey menge teruen. Mahabet is menge azen dan he tinavan dan, ne layun dan en duen ebiktimahan.

Nahum 3:12

Is langun he vinerengbeng he menge inged niw egkeiring te kayu he higus he nelutuan en is nehuna he menge veǥas din; ne emun edhuyungen egkengeulug en ne egkehimu en he egkeenen.

Nahum 3:15

Piru keniyan mismu te lugar niw ebpemematey kew pinaaǥi te hapuy wey ispada, iring te menge pemuleey he mid-etaki te terapan. Mibmahabet kew iring te menge terapan!

Nahum 3:5

Guntaan, migkaǥi is Nengazen he Mekeǥeǥehem te, “Pemineg kew is menge tig-Nineve! Kuntada ku sikiyu! Umbe ebpeel-elezan ku sikiyu ziyà te zuma he menge nasyun. Iring te vahi he midlislisan he naahà is kegkelevasi zin.

Josue 11:6

Migkaǥi is Nengazen diyà te ki Josue te, “Kenè kew mahandek kandan, su keeselem te iring kayi he uras, ne egeraan ku sikandan is langun para te Israel. Penlepui niw is menge kudè dan wey peminsuli niw is menge kerwahi zan.”

Josue 11:9

Mibeelan ni Josue ziyà te kandan is insuǥù te Nengazen: Mibpenlepuan din is menge kudè dan ne mibpeminsulan din is menge kerwahi zan.