Nahum 2:10 - Manobo Western Bukidnon OT

¹⁰ Egkezeetan, egkeǥevà, egkevengkag en is Nineve! Umbe egkulbaan en is menge meǥinged kayi; egkerkeren is tivuuk he lawa zan, egkerkeren is menge vuel zan, ne ebmemeluntak sikandan.

Nahum 2:10 교차 참조

Genesis 1:2

Ne zutun, kenè pa hustu is kegkeveeli te kelibutan ne wazè din taǥù. Ne ziyà te zivavew te utew mezalem he wahig ne utew merusirem, diyà medriǥuriǥu is Mulin-ulin te Megbevayà.

Salmo 22:14

Naawè en is desen ku; iring a te wahig he id-ulà, ne henduen be te nekegkikiwey en is menge tulan ku. Naawè en daan is kevurut ku; iring a te netunew he kendilà.

Isaias 14:23

Edhimuwen ku heini he sibsivayan he mahabet is menge linew zuen. Edezeetan ku heini, ne is kedezeeti ku kayi, iring te ebpeyupasen ku is menge meǥinged kayi. Iyan a, is Nengazen he Mekeǥeǥehem, migkaǥi kayi.”

Isaias 21:3

Migkerker a wey mibmesakit is lawa ku tenged te neehè ku wey nezineg ku pinaaǥi te kebpekelawas ku, nesekitan a iring te vahi he ebeliliten.

Isaias 24:1

Pemineg kew! Edezeetan te Nengazen is kelibutan taman te kenè en heini egkepulusan, ibpeyapat din is menge meǥinged kayi.

Jeremias 30:6

Guntaan duen id-insè ku keniyu. Ed-anak be is maama? Kenà. Piru, maan is neehè ku is menge maama he mibmemeluntak he egawed te ǥetek dan he henduen be te vahi he ebeliliten?

Jeremias 49:23

Iyan heini menge lalag mehitenged te Damascus: “Netingkemed is menge tig-Hamat wey menge tig-Arpad te mezaat he tudtul he nezineg dan. Neliveǥan sikandan wey kenà ebpekehulenà is ked-isip-isip dan; neiring dan te ebpemaǥel he zaǥat.

Jeremias 51:62

Ne pengemuyù ka, he ke sikew te, ‘He Nengazen, migkaǥi ka he edezeetan nu heini he lugar, su para kenà heini meubpai te etew wey minsan langgam, ne egkehimu heini he mekevulungbulung te wazà pidtemanan.’

Jeremias 8:21

Migkaǥi si Jeremias te, “Utew mesakit is gehinawa ku. Ingkesekiti ku is utew kegkerasey te menge emurè ku te inged. Midlalew a wey utew a neseeng.

Ezekiel 21:7

Emun ed-insà sikandan ke maan is midag-es ka, keǥiyi nu sikandan he tenged te tudtul he ebpekepekerker, ebpekepeluya, ebpekepahandek, wey ebpekelipung kandan. Egkehitavù heini te kenà egkeuǥet. Iyan a, is Nengazen he MEGBEVAYÀ, is migkaǥi kayi.”

Ezekiel 31:15

Mibpedayun megkaǥi is Nengazen he MEGBEVAYÀ te, “Dutun te andew te ked-uwita kayi te kayu ziyà te lugar te menge minatey, edtembunan ku is mezalem he menge serebseb, ne tuus heini te kegkeseeng. Ne kenè en edtudà is wahig diyà te menge wahig, ne kenè en dekelà is wahig. Tenged kayi ebmerusirem is Lebanon ne egkeǥangu is langun he menge kayu ziyà te menge vevesukà.

Daniel 5:6

Ne tenged dutun mibpengerker wey mibmemeluntak haazà is hadì te kegkahandek din.

Joel 2:6

Is menge etew he ebpekaahà kandan egkahandek ne ebmemeluntak.

Nahum 2:2

Su minsan midezeetan niw is menge tig-Israel wey menge tig-Juda he henduen be te pinemula he paras he mibpendezeetan is menge subpang kayi, idlikù te Nengazen is kegkemeǥeǥehem te Israel.

Nahum 3:7

Ne edlikey is langun he ebpekaahà keniyu he ke sikandan te, ‘Newaǥey en is Nineve. Wazè en edsineǥew para kandin. Wazà edlangan kandin.’ ”

Zefanias 3:6

“Guntaan migkaǥi is Nengazen te, ‘Midezeetan ku is menge nasyun; midwaǥey ku is menge inged dan ragkes is menge verengbeng wey menge turi kayi. Wazà nesamà he menge meǥinged dutun, umbe wazè en etew he egkaahà he edhiphipanew ziyà te menge zalan dan.

Josue 2:11

Nengahandek key hein nezineg dey haazà ne naawà is kevurut te kada sevaha kenami tenged keniyu. Su is Nengazen he Megbevayè niw iyan Megbevayà diyà te langit wey zini te tanà.

Josue 7:5

piru midal-as sikandan te menge tig-Ai puun te pultahan dutun te inged taman te Shebarim, ne menge 36 kandan is nepatey hein edtupang dan. Umbe naawà is kevurut te menge Israilihanen wey nengahandek dan.