Nahum 1:7 - Manobo Western Bukidnon OT

⁷ Meupiya is Nengazen; melig-en sikandin he eputà emun timpu te kelised, ne ed-elimahan din is edangep diyà te kandin.

Nahum 1:7 교차 참조

1 Cronica 16:34

Peselemati is Nengazen te keupiya zin; wazà pidtemanan te gaǥew zin.

1 Cronica 5:20

Ne mibuyù dan te tavang te Megbevayà hein ebpekidtebek dan en, ne midtavak te Megbevayà is ked-ampù dan tenged te midsarig sikandan kandin. Umbe impezaag kandan te Megbevayà is menge Hagarnen wey is langun he mid-uǥup kayi.

2 Cronica 13:18

Umbe, nezaag te menge tig-Juda is menge tig-Israel dutun he tebek, tenged te midsarig sikandan te Nengazen he Megbevayà te menge kepuun dan.

2 Cronica 32:11

Migkaǥi si Hezekia ziyà te keniyu he edlibriyen kew te Nengazen he Megbevayè niw puun te gehem te hadì te Asiria. Piru edliveǥen kew zin dà, su emun kenè kew ed-awà kayi te Jerusalem ne ebpematey kew te kegkevitil wey kegkemezahi.

2 Cronica 32:21

Ne midsuǥù te Nengazen is belinsuǥuen he mibpurung medezaat te menge memetau he menge sundaru, menge peremandar, wey te menge upisyal te Asiria ziyà te kampu te hadì te Asiria. Umbe mid-ulì si Hadì Senakerib he nepeel-elezan utew. Ne hein midseled sikandin diyà te simbahan he ed-ezapan te ed-ezapen din, midhimetayan sikandin te zuma he menge anak din pinaaǥi te ispada.

2 Cronica 32:8

Menge etew zà is duma keniyan te hadì, piru is kenitew he zuma, ne iyan is Nengazen he Megbevayè tew. Iyan sikandin edtavang kenitew wey ebpekidtebek para kenitew.” Umbe mibmelig-en is menge etew tenged dutun te migkaǥi ni Hadì Hezekia he hadì te Juda.

Ezra 3:11

Dutun midalig dan wey mibpeselematan is Nengazen; migkanta zan he edhenduen te, “Meupiya iyan is Nengazen, su is kebmahala zin te Israel ne wazà pidtemanan.” Ne ingkulahì te mezaǥing te langun he menge etew zutun is kedeliǥa zan te Nengazen su ǥeina te nepasad en is pundasyun duen te valey te Nengazen.

Salmo 1:6

Su egiyahan te Nengazen is menge metazeng, piru is menge ulaula te menge lalung iyan ed-uwit kandan diyà te kezeetan.

Salmo 100:5

Su meupiya is Nengazen; wazà pidtemanan te ǥaǥew zin, ne ebpedayun is kebmetinumanen din te taman te taman.

Salmo 20:1

Berakat he edtevaken te Nengazen is ampù nu ke edlised ka. Berakat he idlikey ka te Megbevayà ni Jacob te ebpekekaid kenikew.

Salmo 25:8

Meupiya ka wey metazeng ka, Nengazen, umbe ipenurù nu ziyà te menge nengetazin is hustu he zalan.

Salmo 27:5

Emun timpu te kesamuk id-eles e zin wey edhimu sikandin te paaǥi wey a kenà memenu zutun te valey zin. Diyè e zin ibpehulenà te lugar he kenà a zuen egkekeizan.

Salmo 37:39

Baal te Nengazen is kelibriyanan te menge metazeng. Iyan sikandin edhimu te paaǥi para kenà sikandan memenu emun timpu te kelised.

Salmo 37:40

Edtevangan din sikandan ne edlibriyen din te kegkeiza kandan te menge mezaat he etew, su ziyè man sikandan med-aput te kandin.

Salmo 46:2

Umbe, kenè kiw egkahandek minsan pa ke egkehuyung is tanà ne egkengetempag is menge vuntud ne egkengeulug diyà te zizalem te zaǥat,

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

Salmo 59:16

Iyan, siak mulà, egkanta a mehitenged te ǥehem nu. Kada meselem ebpekezaǥing a is egkanta mehitenged te ǥaǥew nu. Su ǥeina te ziyà a layun te kenikew edangep ne iyan ka ebpengelintau para wazà mezaat he egkehitavù kedì emun timpu te kelised.

Salmo 71:3

Kelesaǥi a iring te nekeendilung a te vatu, su ziyè e zà layun te kenikew edangep. Kenà duwazuwa he edlibriyen a kenikew, su iyan ke man endilungè ku wey melig-en he elesà ku.

Salmo 86:7

Ebpengumew-umew a kenikew te timpu te kelised su edtevaken e man kenikew.

Salmo 9:10

Edsarig kenikew is menge etew he nekekilala kenikew. Su wazè pa mid-aput diyà te kenikew he wazè nu zewata.

Salmo 91:15

Emun ed-umawen e zin, ne edtevaken ku sikandin; emun edlised sikandin, ne eduma a kandin; edlibriyen ku sikandin wey ebeǥayan ku te zengeg.

Erubasa 18:10

Is Nengazen, iring te melig-en he turi he iyan egkeeputan te menge metazeng su wey zan kenà mekeizi.

Isaias 25:4

Iyan ka kes melig-en he eputà te menge pubri emun timpu te kedlised. Helungè ka emun timpu te vagyu wey gulavung. Su is kedsurung te mesipala he menge etew, iring te vagyu he ebpekesuǥat diyà te verengbeng,

Isaias 32:2

Is kada sevaha kandan egkehimu he iring te endilungà emun duen mevendes he keramag wey bagyu. Egkeiring daan sikandan te zezeisey he wahig he midtudà diyà te disirtu, wey alung te zekelà he vatu ziyà te meinit wey memaza he lugar.

Isaias 50:10

Hentei keniyu is edtahud te Nengazen wey ebpezumazuma te menge penurù te suluǥuen din? Ereg sikandin he edsarig te Nengazen he Megbevayè din minsan midhipanew sikandin diyà te merusirem he wazà duen bulug kerayag.

Jeremias 16:19

Migkaǥi a te, “He Nengazen, iyan ka zesen ku wey eputà emun timpu te kelised. Ed-uvey ziyà te kenikew is menge etew ziyà te menge nasyun he ebpemuun diyà te nekedseselekawà he vahin kayi te kelibutan ne ke sikandan te, ‘Wazà pulus te menge ed-ezapen te menge kepuun dey. Wazà keupiyaanan he nehimu kayi ziyà te kandan.

Jeremias 17:17

Kenà a kenikew pelihendeka, su iyan ka eputè ku emun timpu te kezeetan,

Jeremias 24:5

“Siak is Nengazen he Megbevayà te Israel, egkaǥi a te ed-isipen ku he iring te meupiya he menge higus is menge Israilihanen he impevihag ku ziyà te Babilonia.

Jeremias 33:11

is kedlipey wey keguǥusà. Egkezineg is kebpeeyuwà te beuǥu, wey is kedlipey te ebpemen-uwit te menge pemuhat diyà te valey te Nengazen he para te kebpeselamat. Egkaǥi zan te, ‘Ebpeselamat kiw te Nengazen he Mekeǥeǥehem, su meupiya sikandin. Wazà pidtemanan te ǥaǥew zin.’ Edlipey is menge etew su idlikù ku is meupiya he kebpekesavuk dan kayi he tanà iring te kebpekesavuk dan dengan. Iyan a, is Nengazen, is migkaǥi kayi.”

Penhulùhulù 3:25

Ebpurungan te Nengazen is menge ebperateng wey edangep diyà te kandin.

Daniel 3:28

Ne tenged dutun migkaǥi haazà is hadì te, “Edeliǥen is Megbevayà eni Shadrac, Meshac, wey Abednego. Midsuǥù din is belinsuǥuen din te kedlibri kandan te menge suluǥuen din he midsarig diyà te kandin. Heini sikandan wazà medsunud te suǥù ku te ked-azap duen te ledawan, kekenà, midtumù dan he idtimbag sikandan diyà te hapuy su para kenà sikandan mekaazap te minsan hentei he ed-ezapen he kenà iyan is kandan he Megbevayà.

Daniel 6:23

Ne kegkezineǥa zutun duen te hadì, utew sikandin nelipey ne zuen midsuǥù din te kegkuwa ki Daniel zutun te vudsi. Ne hein nekeǥawas en si Daniel ne wazà minsan deisey he palì etawa rudrud he neehè dan diyà te lawa zin, su geina te midsarig sikandin te Megbevayà.

Joel 3:16

Eghiniǥer is Nengazen he ebpuun te Zion; edraǥeb is laǥeng din he ebpuun te Jerusalem. Ne tenged kayi egkehuyung is kelibutan wey is langit. Piru melig-en he eputà is Nengazen para te menge Israilihanen he menge etew zin.

Zefanias 3:12

Edsemaan ku ziyà te Jerusalem is menge etew he pubri wey egkaayuayu, ne ebuyù dan te tavang kayi te kedì.