Micas 7:8 - Manobo Western Bukidnon OT

⁸ Migkaǥi is menge Israilihanen te, “Kenà ereg he edsudì kenitew is menge kuntada tew. Su minsan nezeetan kiw ne ed-uman kiw ed-enew. Wey minsan diyè kiw te merusirem ne iyan is Nengazen kerayag tew.

Micas 7:8 교차 참조

Job 31:29

“Wazè ku ikelipey is kegkezeeti te menge kuntada ku etawa kebpekebmereǥen dan.

Salmo 112:4

Minsan merusirem duen gihapun kerayag para te menge etew he hustu is paaǥi zan te kebpengungubpaan, kelelaǥan, hihizuwen, wey metazeng.

Salmo 143:3

Nezaag a te menge kuntada ku, ne mibpesipelahan e zan. Ne hein mibpirisu e zan diyà te merusirem, neiring a te minatey he neuǥet dà diyà te penlevengà.

Salmo 20:8

Sikan is edsarig te menge kerwahi wey menge kudà egkengezeetan, iyan, sikami mulà, ebpekezaag key wey kenà egkaawà is kelig-en dey.

Salmo 27:1

Is Nengazen iyan kerayag ku, menluluwas ku, wey eputè ku, umbe wazà ereg he igkahandek ku.

Salmo 35:19

Kenè nu ituǥut he melipey is limbungan he menge kuntada ku tenged te kegkezeeǥa zan kedì. Is ebpemendumut kedì te wazà hustu he hinungdan, kenè nu ituǥut he meengiti e zan.

Salmo 37:21

Is lalung he menge etew ne emun ed-utang ne kenà ebayad. Ne kelelaǥan mulà is menge metazeng.

Salmo 37:24

Minsan ebpekesipà sikandin ne kenà egkepiley su egewazen sikandin te Nengazen.

Salmo 38:16

Su mid-ampù a ziyà te kenikew he kenè nu ituǥut he melipey wey mekepahambug is menge kuntada ku tenged te kegkezèdeeti zan kediey.

Salmo 84:11

Su sikew, is Nengazen he Megbevayà, iring ka te andew he ebpeketayew, wey te kelasag he egkehimu he pengalang. Ebeǥey ka te pebur wey zengeg. Kenè nu idsekel is minsan hengkey he meupiya ziyà te nengungubpaan he wazà duen igkesawey.

Salmo 97:11

Is keupiya te Megbevayà ne iring te andew he edsilà diyà te menge metazeng ne ebpekeveǥey heini te kelipey kandan.

Isaias 2:5

Hendini kew is menge kevuwazan ni Jacob, ebpengungubpaan kiw he sungkad te ketutuanan he ibeǥey kenitew te Nengazen tew.

Isaias 49:9

Egkeǥiyan nu is menge Israilihanen he vinihag wey pinirisu ziyà te merusirem he lugar te, ‘Gawas kew! Su gewasnen kew en!’ “Ne egkeiring sikandan te menge kerehidu he ebpemenabtab diyà te kilid te menge zalan wey menge vuvungan he mehiǥawan dengan.

Isaias 50:10

Hentei keniyu is edtahud te Nengazen wey ebpezumazuma te menge penurù te suluǥuen din? Ereg sikandin he edsarig te Nengazen he Megbevayè din minsan midhipanew sikandin diyà te merusirem he wazà duen bulug kerayag.

Isaias 9:2

Is menge etew keniyan he nerusireman, ebpekaahà te utew merayag. Is menge nerusireman he egkahandek he ebpatey, egketeyawan.

Jeremias 48:27

Sikiyu is menge meǥinged diyà te Moab, kenè be midsudì niw is Israel? Maan, nezekepan be heini he nenakew? Ne maan is ebpenggemen-gemen kew zà te kedsudì kayi?

Jeremias 50:11

“Sikiyu is menge etew ziyà te Babilonia mid-eǥawan niw te menge azen is menge etew he ǥaked ku. Midlipey kew wey miguǥusà he iring te mid-elimahan he dumeraǥa he vaka ziyà te penebtavà wey kudà he edherìhì.

Jeremias 8:4

Migkeǥiyan a te Nengazen he keǥiya ku heini he menge lalag diyà te menge etew: “Emun egkepiley is etew, kenè be ed-enew man sikandin? Emun egketazin sikandin, kenè be edlikù sikandin diyà te mibeyaan din?

Ezekiel 25:6

“Iyan a, is Nengazen he MEGBEVAYÀ migkaǥi te, ‘Geina te mibpelakpak kew wey midlinglingketew kew tenged te kegkelipey niw zutun te kedsudia niw te Israel,

Ezekiel 35:15

su geina te ingkelipey niw hein nehimu he mekevulungbulung is tanà he mibpepengevilin te menge Israilihanen. Umbe iyan daan heeyan egkehitavù keniyu; egkehimu he mekevulungbulung is Buntud he Seir wey is tivuuk he Edom. Ne zutun egketuenan niw he iyan a Nengazen.”

Amos 9:11

“Egkeuma is andew he ed-umanan ku ebenguna is ginhedian ni David he iring te lawig he nerundus. Su ebpurungan ku heini is nezeetan, ne ibpeuman ku ibpehitindeg iring duen te nehuna.

Obadias 1:12

Wazè kew pezem melipey zutun te timpu te kezeetan te menge etew ziyà te Juda he kezuzumahi niw. Wazè kew pezem medlipeylipey zutun te timpu te kegkezeeti kandan. Wey wazè kew pezem mebpegalbu zutun te kelised dan.

Micas 7:10

Egkaahà heini te menge kuntada tew ne egkepeel-elezan sikandan. Su hein aney ne edsudien kiw zan he ke sikandin te, ‘Hendei en is Nengazen he Megbevayè niw?’ Kenà egkeuǥet egkeehè tew is kegkezeeti zan. Egkeiring sikandan te vasak diyà te kersada he edtekutakan.”

Zacarias 12:8

Dutun he andew edlevanan te Nengazen is ebpemen-ubpà diyà te Jerusalem su para minsan is utew meluya kandan ne egkeiring ki David kezesen. Is menge kevuwazan ni David egkeiring te Megbevayà, iring te velinsuǥuen te Nengazen he ebpengulu kandan.

Malakias 4:2

Piru sikiyu mulà is edtahud kediey, is ketazeng iring te andew he edsilà diyà te keniyu he ebpekevawì te menge zaru niw. Ne egkeiring kew te nati he menge vaka he ebpemenlinglingketew is egawas diyà te tudil.