Micas 7:6 - Manobo Western Bukidnon OT

⁶ Su kayi he timpu, is anak he maama ne kenà edtahud te amey zin, ne is anak he vahi ne edsukul te iney zin, ne is ambey edsukul te enuǥang din he vahi. Is kuntada te etew iyan mismu is sakup te keugelingen din he pemilya.

Micas 7:6 교차 참조

Genesis 49:4

Piru iring ka te edìdì he wahig, su kenè nu egkeeǥen is kegkeiveg nu. Umbe mibpekidhilavet ka te esawa ku he suluǥuen, kenè ke en maan lavew te zuma.

2 Samuel 16:11

Migkeǥiyan ni David si Abishai wey is langun he menge upisyal zin te, “Emun edtinguhà is anak ku te kedhimatey kedì, iyan pe be heini is kezuzumahi ni Saul? Beleǥaza niw en sikandin su Nengazen is midsuǥù kandin.

Salmo 41:9

Minsan is emiǥu ku utew he egkeseriǥan ku he mibpekidtuǥen kedì te egkaan ne iyan midluib kedì.

Erubasa 30:11

Duen menge etew he kenà ebpekehimu he ebpengemuyù he tuvazi te Megbevayà is menge ǥinikanan dan, kekenà, nasì dan dà ebpenrewaki.

Erubasa 30:17

Is etew he ed-undaunda wey kenè din ebpemineǥen is menge ǥinikanan din ne edtuktukan te menge uwak is menge mata zin, ne edeesan te menge kulaǥu is minatey he lawa zin.

Isaias 3:5

Edluplupiǥen te kada sevaha he etew is iring din he etew. Is menge vatà edsukul te menge meǥurang, wey edsukul zaan is menge egkaayuayu te menge dungganen.

Isaias 9:19

Tenged te pauk te Nengazen he Mekeǥeǥehem, egkevinsulan is tanè dan, ne egkehimu sikandan he tavun he ed-epuren te hapuy. Kenè dan egkehizuwan minsan is iring dan he menge Israilihanen.

Jeremias 12:6

Minsan is menge suled nu he maama, he sakup pezem te pemilya nu, ne midluib kenikew. Mezaat is pelanu zan diyà te kenikew. Kenè ka sarig kandan minsan meupiya pa is egkeǥiyen dan diyà te kenikew.

Jeremias 20:10

Nezineg ku is ked-undaunda kedì te menge etew. Ke sikandan te, “Mekaharatharat is nekeliǥuy! Idsumbung tew sikandin!” Minsan is langun he menge emiǥu ku, edtaǥad he mesayep a. Ke sikandan te, “Kela ke egkelimbungan tew sikandin. Ne egkelupig tew sikandin ne ebpekevales kiw.”

Jeremias 9:4

“Mebpekevantey kew te zuma niw, ne kenè kew sarig te kezuzumahi niw, su limbungan is kada sevaha ne ebpen-ulug te kewusa.

Ezekiel 22:7

Keniyan te lugar nu wazè en tehuza is menge ǥinikanan. Is kenà menge Israilihanen he ed-ubpà diyà te kenikew ebpenepian, ne edèdaaǥen is menge ilu wey menge valu.

Obadias 1:7

Edlimbungan kew te kezapig niw he menge nasyun. Heini is menge etew he ebpekid-emiǥu keniyu ne iyan ded daan edsurung keniyu, ne edsegseǥen kew zan puun te inged niw. Heini sikandan is egkaan duma keniyu ne iyan ded daan edhingutel keniyu he kenè niw egketukawan.