12 Dutun daan he timpu edhendiyà te keniyu is menge etew he ebpuun diyà te Asiria wey ziyà te menge inged diyà te Ehipto, wey ziyà te menge lugar he ebpuun te Ehipto pehendiyà te wahig he Eufrates, wey is ebpuun diyà te meziyù he menge lugar.
Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.
Ne iring te zuen meluag he zalan he mid-ikul te menge etew te Israel hein mid-awà sikandan diyà te Ehipto, ne zuen daan meluag he zalan he egkeikul te menge nesamà he menge etew zin diyà te Asiria.
Egkaǥi a ziyà te menge nasyun he ziyà te zizaya wey zivavà te vey-ani zan en is menge kevuwazan nu he edlikù diyà te tanè dan, ne ibpeulì en sikandan puun te meziyù he menge lugar.
Ebpekeuma is menge etew ku he ebpemuun diyà te meziyù–is duma ebpuun diyà te zizaya, is duma ebpuun diyà te edsenlepan, ne is duma pa ebpuun diyà te Sinim.”
Iyan a mismu edtiǥum te nesamà he menge etew ku puun diyà te nekedseselekawà he menge lugar he zutun ku sikandan ipeyapat, ne idlikù ku sikandan diyà te tanè dan, ne zutun ebmahabet sikandan utew.
Dutun he timpu, is menge tig-Juda wey menge tig-Israel ebpezumahà te ked-ulì is ebpuun te kegkevihaǥa kandan diyà te zizaya; diyà sikandan ebpevayà te tanà he imbeǥey ku te menge kepuun dan para egkepengevilin dan.
Pemineg kew! Iyan a mismu egkuwa wey edtiǥum kandan puun te zizaya wey ziyà te minsan hendei he vahin te kelibutan. Ragkes en he ebpekezuma kandan, is menge lakap wey menge pigket. Iring din daan is menge meǥingey wey umaanak. Utew mahabet is ebpemen-ulì.
“Piru sikiyu is menge Israilihanen he menge kevuwazan te suluǥuen ku he si Jacob, kenè kew luyahi wey mahandek su edlibriyen ku sikiyu puun diyà te meziyù he lugar he zutun kew vihaǥa. Ed-uman kew ebpengungubpaan he melinawen wey wazà kezeetan, ne wazè en ebpelihandek keniyu.
“He Ezekiel, diyà te timpu te kegkeul-ulaha kayi, ed-umanan ku ed-enawa is Israel, ne egketuenan te menge Israilihanen he tutuu ves iyan is mibpengaǥi nu. Ne zutun egketuenan dan he iyan a Nengazen.”
ne keǥiyi nu sikandan te, ‘Iyan heini migkaǥi te Nengazen he MEGBEVAYÀ: Egkuwaan ku is menge Israilihanen puun te langun he menge nasyun he zutun sikandan mekepeyapat, ne ed-umanan ku sikandan ed-uwita ziyà te keugelingen dan he tanà.
Meǥaan dà ne ebpekeuma kew en iring te menge tagbis he ebpuun diyà te Ehipto etawa iring te menge merepatik he ebpuun diyà te Asiria. Ibpeuman ku sikiyu ibpeubpà diyà te menge valey niw. Iyan a, is Nengazen, is migkaǥi kayi.”
