Micas 7:10 - Manobo Western Bukidnon OT

¹⁰ Egkaahà heini te menge kuntada tew ne egkepeel-elezan sikandan. Su hein aney ne edsudien kiw zan he ke sikandin te, ‘Hendei en is Nengazen he Megbevayè niw?’ Kenà egkeuǥet egkeehè tew is kegkezeeti zan. Egkeiring sikandan te vasak diyà te kersada he edtekutakan.”

Micas 7:10 교차 참조

2 Samuel 22:43

Midruntek ku sikandan taman te neiring en sikandan te eliyavuk. Midtekutakan ku sikandan he iring te tunaan diyà te menge zalan.

Salmo 109:29

Berakat he mepurung mepeel-elezi heini is menge etew he mibutangbutang kedì; meiring te visti he ebpeketambun te lawa zan is keelezan dan.

Salmo 115:2

Maan is mid-insultuwan key te zuma he menge nasyun pinaaǥi te kegkaǥi te, “Hendei en is Megbevayè niw?”

Salmo 18:42

Midruntek ku sikandan taman te neiring en sikandan te eliyavuk he idlayap te keramag. Midtekutakan ku sikandan he iring te tunaan diyà te menge zalan.

Salmo 35:26

Is langun he iyan igkelipey zan is menge kebpekaantus ku, berakat he egkepeel-elezan wey egkeliveg sikandan. Berakat he sikan is langun he neminusan kediey, kenà medlampus is tuyù dan wey mepeel-elezi sikandan.

Salmo 42:10

Henduen be te nerupet en is menge tulan ku tenged te kebpeel-elezi zan kedì. Egkeǥiyan e zan te, “Hendei en be is Megbevayè nu he edtavang kenikew?”

Salmo 42:3

Maandew wey mezukilem is kebpekesineǥew ku ne samè dà kenè ku meinum is luhè ku, ne zutun edtulung ed-insà is menge etew te, “Hendei en be is Megbevayè nu he edtavang kenikew?”

Salmo 58:10

Egkelipey is menge metazeng emun egkeehè dan he edsilutan nu is menge lalung ne ebpematey sikandan.

Salmo 79:10

Kenè nu itugut he ebpekekaǥi ziyà te kenami is menge etew ziyà te zuma he menge nasyun te, “Hendei en is Megbevayè niw?” Ipeehè nu kenami is penimales nu te menge nasyun tenged te kebpenhimetayi zan te menge etew nu he menge suluǥuen nu.

Salmo 92:12

Is ked-uswag te menge metazeng igkepetug iring te meveǥas he palma, ne is kebpekesavuk dan igkepetug iring te kayu he sidru ziyà te Lebanon he midtuvù he melig-en.

Isaias 26:11

Nengazen, andam ke en he edsilut kandan, iyan, wazè dan metueni heini. Petueni nu kandan Nengazen! El-eleza nu sikandan pinaaǥi te kebpaahaa nu kandan te kebmahala nu te menge etew nu. Binsuli nu sikandan te hapuy is menge kuntada nu.

Isaias 41:25

Mibpilì ku he edumala is sevaha he etew he ziyà ebpuun te zizaya. Midangep sikandin kayi te kediey; ne ǥuntaan ebpekeuma sikandin puun te edsilaan. Edezeetan din is menge ebpemendumala iring te kedtekutaki te mendiziyun te vasak he ebeelan din he ziniyun.

Jeremias 49:15

Su migkeǥiyan te Nengazen is menge tig-Edom te, “Pemineg kew! Edhimuwen ku sikiyu he edhuna pa he egkaayuayu te zuma he menge nasyun, ne utew mezaat is ked-isipa zan keniyu.

Jeremias 51:24

“Sikiyu is menge etew ku, ibpeehè ku keniyu is kebelesi ku te Babilonia wey te menge meǥinged kayi he lugar, tenged te langun he mibeelan dan diyà te Jerusalem. Iyan a, is Nengazen, is migkaǥi kayi.

Jeremias 51:51

Ke sikiyu te, ‘Neeled key. Mid-insultuwan key wey mibpeel-elezan geina te midremerikan is baley te Nengazen te kenà menge Israilihanen.’

Ezekiel 7:18

Ebivisti sikandan te saku wey egkiskisan dan is menge ulu zan te kebpaahà te kegkeseeng dan. Ne utew sikandan egkahandek wey egkeeled.

Daniel 3:15

Guntaan ebmenduan ku sikiyu te ked-azap duen te ledawan emun egkezineg niw is daǥing te menge instrumintu. Su emun kenè kew ed-azap; segugunè ku sikiyu ibpetimbag duen te egkiràkirà he rapug. Ed-ahaan ta ke zuen be ed-ezapen he ebpekelibri keniyu.”

Joel 2:17

Is menge memumuhat he ebpenilbi te Nengazen, medsineǥew sikandan diyà te pid-elangan te pemuhatà wey varkun duen te valey te Nengazen, ne med-ampù dan te iring kayi: “Nengazen, kehizuwi nu is menge etew he ǥaked nu. Kenè nu ituǥut he ebpeel-elezan sikandan wey edsudien te menge etew ziyà te zuma he menge nasyun pinaaǥi te kegkaǥi te, ‘Hendei en be is Megbevayè niw?’ ”

Obadias 1:10

“Tenged te kebpesipelahi niw te menge kevuwazan ni Jacob, he menge kezuzumahi niw, ebpeel-elezan kew wey edezeetan kew te wazà pidtemanan.

Obadias 1:12

Wazè kew pezem melipey zutun te timpu te kezeetan te menge etew ziyà te Juda he kezuzumahi niw. Wazè kew pezem medlipeylipey zutun te timpu te kegkezeeti kandan. Wey wazè kew pezem mebpegalbu zutun te kelised dan.

Micas 4:11

Guntaan mahabet he menge etew ziyà te menge nasyun is midtiǥum su ebpekidtebek dan keniyu. Ke sikandan te, ‘Ebpeel-elezan tew is menge tig-Zion! Ne zutun ed-ahaan tew is mekeeled-eled he kebpekesavuk dan.’

Micas 7:8

Migkaǥi is menge Israilihanen te, “Kenà ereg he edsudì kenitew is menge kuntada tew. Su minsan nezeetan kiw ne ed-uman kiw ed-enew. Wey minsan diyè kiw te merusirem ne iyan is Nengazen kerayag tew.

Zefanias 3:15

Su kenè kew en edsilutan te Nengazen. Edsegseǥen din is menge kuntada niw. Duma niw is Nengazen, he Hadì te Israel, umbe wazè en igkahandek niw he kezeetan.

Zacarias 10:5

Edsevaha is menge etew te Juda ne egkeiring sikandan te mezesen he menge sundaru he edaag te menge kuntada zan he henduen dà te vasak diyà te menge zalan he edtekutakan dan. Ebpekidtebek dan su ǥeina te siak is Nengazen, dume e zan. Ne edaaǥen dan is menge pereuntud te kudà.

Malakias 1:5

Egkeehè niw is kegkezeeti zan ne ebpekekaǥi kew te, “Mekeǥeǥehem iyan is Nengazen minsan diyà te ǥawas te Israel.” ’ ”

Malakias 4:3

Edtekutakan niw is lalung he menge etew ne egkeiring dà sikandan te igmuk he ebpenggiekan niw zutun te andew te kedhimuwa ku he mehitavù heini, migkaǥi is Nengazen he Mekeǥeǥehem.

Josue 7:9

Emun egkezineg heini te menge Canaanhen wey zuma pa he meǥinged kayi ne edliǥuyan key zan, ne ebpenhimetayan key zan. Ne emun iyan haazà, hengkey is ebeelan nu para kenà mezeeti is dengeg nu?”