Micas 6:6 - Manobo Western Bukidnon OT

⁶ Mid-insà is sevaha zuen te menge Israilihanen te, “Hengkey is hustu he ibpemuhat ku ziyà te Nengazen, he Megbevayà diyà te langit, emun ed-ezapen ku sikandin? Ebpemuhat e ve te vaka he senge-tuig is keǥurang din he pemuhat he edtutungen?

Micas 6:6 교차 참조

2 Samuel 21:3

Ne mid-insaan din te, “Hengkey is ebeelan ku keniyu para meveyazi is salà ni Saul he mibeelan din keniyu? Keǥiya niw kedì, para tuvazi en maan te Nengazen is keet-etawan din.”

Salmo 116:12

Hengkey is igkevales ku te Nengazen te langun he meupiya he mibeelan din kayi te kediey?

Salmo 22:29

Kenà duwazuwa he edsimba kenikew is langun he menge sepian he etew kayi te kelibutan. Minsan is langun he menge etew he henduen be te ebpematey en, ne ibpeehè dan is kedtahud dan kenikew su edluhud dan. Wey minsan sikan is nemematey en,

Salmo 95:2

Ed-uvey kiw ziyà te kandin duma is kebpeselamat, ne ed-ugyab kiw is egkanta te kedeliǥa tew kandin.

Salmo 95:6

Kuwa kew en, edluhud kiw te ked-ezapa te Nengazen he midlimbag kenitew.

Exodus 12:5

Iyan niw pilia is menge meemahan he uyaǥen niw he senge-tuig pa is keǥurang din wey wazè din sazir, egkehimu ke kerehidu, ne egkehimu zaan emun kambing.

Exodus 23:15

Silibraha niw is Pista te Supas he Wazè din Tapey. Seled te pitu he andew iyan niw keena is supas he kenà edtepayan, sumalà is insuǥù ku en keniyu. Ne netendek he timpu is ked-ul-ulaha niw kayi su ziyè dà te vulan he Abib, su iyan haazà bulan te timpu te ked-awè niw ziyà te Ehipto. Dutun he timpu kinahanglan he med-uwit te halad is kada sevaha keniyu kayi te kediey.

Erubasa 15:8

Egkeepesan te Nengazen is pemuhat te menge lalung, piru igkesuat din mulà is menge kebpengemuyù te menge metazeng.

Erubasa 21:3

Lavew pa he igkesuat te Nengazen is ked-ulaula te etew te meupiya wey metazeng kenà is kebpemuhat din te menge ibpemuhat.

Isaias 40:16

Is langun he menge langgam diyà te Lebanon, kenà ereg he ibpemuhat diyà te kandin, ne is menge kayu kayi, kenè pa zaan ereg he idtavun te menge pemuhat.

Jeremias 6:20

Kenè ku ebeliyen is edtutungen dan he veyewà he ebpuun pa te Sheba, wey is menge pehemut he ebpuun pa ziyà te meziyù he lugar. Kenè ku egkezawat is menge pemuhat dan he edtutungen. Is menge pemuhat dan kenà ebpekelipey kedì.

Ezekiel 46:9

“Emun ed-ezapen a ziyà he valey ku te menge etew te Israel zutun te timpu te menge pista, is edseled he ziyà ebayà te veyeey he zapit te zizaya kinahanglan he ziyà mebayà te veyeey he zapit te zivavà emun egawas en, ne is edseled diyà te zivavà kinahanglan he ziyà egawas te zizaya. Wazà medseled wey megawas he zutun ded ebayà te imbayè din te kedseled din, kinahanglan he ziyà sikandin mebayà te zivaluy emun diyà sikandin mebayà te zivaluy zutun te kedseled din.

Daniel 3:26

Umbe, mid-uvey si Nebucadnezar ziyà te pultahan duen te egkiràkirà he rapug is nengumew te, “Shadrac, Meshac, wey Abednego he menge suluǥuen te Utew Lavew he Megbevayà, gawas kew keniyan!” Ne migawas sikandan is tetelu.

Daniel 4:9

Ke siak te, ‘Belteshazar, he pengulu te menge selemengkiru, netuenan ku he is mulin-ulin te menge ed-ezapen, ne ziyà te kenikew, ne melemu nu zà egketueni is nekeeles he menge ketutuanan. Iseysey nu kediey is kehuluǥan te menge nelewasan ku ziyà te teǥeinep ku.

Daniel 5:18

“Mahal he Hadì, ketau te Utew Lavew he Megbevayà is kegkehimu he hadì te amey nu he si Nebucadnezar. Nehimu sikandin he mekeǥeǥehem wey mibeǥayan te menge etew te zengeg.

Daniel 5:21

ne midsegseg sikandin pehendiyà te meziyù te menge etew. Ne nehimu is isip din he iring te isip te langgam. Mid-ubpà sikandin duma te leew he menge asnu ne nenabtab sikandin te sagbet iring te vaka. Wey layun egkahames is lawa zin te zehemug. Iyan haazà kebpekesavuk din taman te migkilala zin he is Utew Lavew he Megbevayà, duen din keǥehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.

Hoseas 5:6

Edangep kew kayi te kedì pinaaǥi te kebpemuhat niw te menge kerehidu, kambing, wey vaka, piru kenè niw en egkeseǥazan is kebpekiduma ku keniyu su mid-iniyuǥan ku en sikiyu.

Amos 5:22

Umbe, minsan uwiti e pa keniyu te nekedseselekawà he menge pemuhat, minsan iyan pa is kineupiyahan he pemuhat, kenè ku heeyan edewaten.

1 Samuel 15:22

Midtavak si Samuel te, “Igkelipey ves te Nengazen is kebpemuhat niw kenà is kebpezumazuma kandin? Meupiya is kebpezumazuma te Nengazen kenà is kebpemuhat. Meupiya pa is kebpemineg kandin kenà is kebpemuhat te menge melambeg ke kerehidu.