Micas 6:16 - Manobo Western Bukidnon OT

¹⁶ Egkehitavù heini keniyu su ǥeina te mid-iringan niw is mezaat he menge vaal, menge sulunuzen, wey menge sambag ni Hadì Omri wey te anak din he si Hadì Ahab. Umbe, edezeetan ku sikiyu, ne ed-un-undahan kew wey edsudien te menge etew ziyà te zuma he menge nasyun.”

Micas 6:16 교차 참조

1 Hadì 18:4

Hein mibpepenhimetayan ni Jezebel is menge ebpeneuven te Nengazen, in-eles ni Obadias is 100 he ebpeneuven diyà te zezuwa he surung; 50 is diyà te kada surung, ne mibeǥayan din sikandan te keenen wey wahig.)

1 Hadì 9:8

Ne minsan pa te mekempet wey nevantug heini is baley ku, ne edrundusen ku heini. Egketingkemed wey egkengeinuinu is langun he edsaǥad kayi, ne egkaǥi zan is ed-undaunda te, ‘Maan is mibeelan heini te Nengazen kayi he tanà wey kayi te valey zin?’

2 Hadì 16:3

Mid-iringan din is ulaula te menge hadì te Israel, minsan ganì is anak din impemuhat din pinaaǥi te kedtutunga zin duen. Mid-iringan din is utew mezaat he menge vaal te menge etew ziyà te menge nasyun he impesegseg te Nengazen te menge Israilihanen.

2 Hadì 21:3

Mid-umanan din benguna is menge simbahan diyà te metikang he menge lugar he imperundus dengan te amey zin he si Hezekia. Mibaal zaan sikandin te menge pemuhatà he para ki Baal wey mibpevaal sikandin te tukud he simbulu te vahi he ed-ezapen he si Ashera, iring te mibeelan ni Hadì Ahab he hadì te Israel. Mid-azap din is menge merayag he egkengaahà diyà te langit.

2 Cronica 22:4

Mezaat is ulaula zin diyà te etuvangan te Nengazen iring te mibeelan te pemilya ni Ahab, su hein minatey en is amey zin, ne iyan en nehimu he megsesambag din is menge sakup te pemilya ni Ahab.

2 Cronica 34:25

Ibpeehè ku is pauk ku kayi he lugar ne kenà heini egkeengked, su inselikwey a te menge etew ku; su midtutung dan te veyewà su mid-azap dan te zuma he menge ed-ezapen. Midhimu zan he mepauk a pinaaǥi te menge ulaula zan.

Salmo 1:1

Deyzey is etew he kenà ebpemineg te penurù te menge lalung, wey kenà ed-iring te ebeelan te menge mekesesalà, wey kenà ebpekiduma kandan he ed-undaunda te Megbevayà.

Salmo 44:13

Kenikew he ketau is kegkepeel-elezi kenami wey ked-eengiti kenami te siringan dey he menge nasyun.

Salmo 44:14

Duen pa menge erubasa zan he ebpekeinsultu kenami, ne ebpurung dà sikandan ebpenggemen-gemen is edsudì kenami.

Isaias 25:8

Id-awà te Nengazen he MEGBEVAYÀ is gehem te kemetayen ne ebpunasen din is luhà te langun he menge etew. Id-awè din is keelezan te menge etew zin puun te tivuuk he kelibutan. Egkehitavù heini su iyan migkaǥi kayi is Nengazen

Isaias 9:16

Is menge mibpengulu te menge etew te Israel iyan neketazin kandan, ne heini he menge etew nengetazin.

Jeremias 19:8

Ibpezezeetan ku heini he inged ne egkehimu heini he edsudien. Egkeinuinu is langun he edsaǥad ne ebpekepenerektek sikandan tenged te kegkezeeti kayi.

Jeremias 25:18

Impeinum ku is menge etew ziyà te Jerusalem, wey is menge etew ziyà te menge inged diyà te Juda, ragkes is menge hadì dan wey menge upisyal su para mezeeti sikandan. Igkeherati is egkeula-ula kandan; edsudien wey ebpenrewakan sikandan iring te nehitavù guntaan.

Jeremias 25:9

ibpesurung ku sikiyu te menge etew ziyà te zizaya he ebpenguluwan te suluǥuen ku he si Hadì Nebucadnezar he hadì te Babilonia. Edsurungen dan heini he tanà wey is langun he meǥinged kayi, ragkes en is langun he menge nasyun diyà te nekeelingkus kayi. Ebpurungan ku sikiyu edezeeti, ne egkeheratan is menge etew he ebpekaahà te egkehitavù keniyu ne egkehimu kew he telemayen. Uya, egkezeetan kew taman te taman.

Jeremias 29:18

Uya, edlislisezen ku sikandan pinaaǥi te tebek, bitil, wey zaru, ne egkahandek is langun he menge ginhedian tenged te egkehitavù kandan. Edsegseǥen ku sikandan pehendiyà te zuma he menge nasyun ne zutun sikandan ebpenrewaki, edsudien, wey ed-un-undahan.

Jeremias 51:51

Ke sikiyu te, ‘Neeled key. Mid-insultuwan key wey mibpeel-elezan geina te midremerikan is baley te Nengazen te kenà menge Israilihanen.’

Jeremias 7:24

“Piru wazè dan mebpemineg wey medtuman te migkaǥi ku. Su iyan dan mibpezumdumahan is indikta te mezaat he gehinawa zan. Wazà sikandan med-uvey kayi te kedì, kekenà, mid-iniyuǥan e zan.

Penhulùhulù 5:1

He Nengazen, is-isipa nu ke hengkey is nehitavù kenami. Ahàa nu is nepengkusan dey he kegkepeel-elezi kenami.

Ezekiel 39:26

Egkelipatan dan en is keelezan dan wey kedluivi zan kedì, emun ebpengungubpaan en sikandan he melinawen wey wazà egkehendekan.

Daniel 9:16

Umbe, Nengazen, tenged dà te kenikew he keupiya, edhangyù a ziyà te kenikew he iawè nu en is pauk nu te menge meǥinged diyà te Jerusalem te inged nu he segradu he vuvungan. Tenged te menge salè dey wey menge salà te menge kepuun dey, mibpeel-elezan key wey is menge tig-Jerusalem te menge etew he nekeelingkus kenami.

Hoseas 12:14

Piru midhimu niw he mepauk a is Nengazen niw tenged te kebpenhimatey niw, umbe edsilutan ku sikiyu. Ebelesan ku sikiyu te kedsumpelita niw kediey.

Hoseas 5:11

Edèdaaǥen is Israel wey midezeetan su ǥeina te midsilutan ku heini. Su mibpedayun heini medsunud te zuma he menge ed-ezapen.

Micas 2:6

Iyan tavak niw kediey is: “Ereg kad; kenè key en kenikew weliyi te iring dutun su kenà egkehimu he egkepeel-elezan key.

Micas 6:13

Umbe, tenged te menge salè niw mibpuunan ku en is kedsilut keniyu su wey kew mezeeti.