Micas 6:11 - Manobo Western Bukidnon OT

¹¹ Kenà egkehimu ke ebey-anan ku zà sikiyu te kedlimbung niw pinaaǥi te timbangan.

Micas 6:11 교차 참조

Erubasa 11:1

Igkeepes te Nengazen is limbung he paaǥi te kedtimbang, piru iyan din igkesuat is kenà kedlimbung.

Erubasa 16:11

Kenà igkesuat te Nengazen emun edlimbung ki is ebpetiǥayun.

Erubasa 20:10

Is kedlimbung pinaaǥi te timbangan wey is kedlimbung pinaaǥi te sukud, ne pudu igkeepes te Nengazen.

Ezekiel 45:10

Gemita niw is hustu he timbangan, tekesà, etawa sukuzà.

Hoseas 12:7

Migkaǥi is Nengazen te, “Susuaten te kedlimbung is menge nigusyanti niw; egamit sikandan te limbungan he timbangan.

Leviticus 19:36

Gemita niw is hustu he timbangan, tekesà, wey sukud. Iyan a kes Nengazen he Megbevayè niw he mibpeǥawas keniyu ziyà te Ehipto. Tumana niw is langun he menge sulunuzen he ibpesunud ku wey menge suǥù ku.

Amos 8:5

Ima niw ke metapus en is Pista te Kebpuun te Hayag etawa Andew te Kedhimeley su wey kew mekepemelegyè en te trigu ne wey kew mekepenlimbung pinaaǥi te kedsukud, kedtakes, wey kedtimbang niw.

Zacarias 5:8

Migkaǥi haazà is belinsuǥuen te, “Heini is bahi simbulu te kelelalung.” Ne intekenled din dutun te seled te revan sikan is bahi ne midtengevan din.

Deuteronomio 25:13

“Kenè kew medlimbung emun edtimbang kew etawa edsukud kew.