Micas 6:10 - Manobo Western Bukidnon OT

¹⁰ Mezaat kew he menge etew! Kenè ku egkelipatan is menge ketiǥeyunan he netiǥum niw pinaaǥi te mezaat he paaǥi. Migamit kew te kenà hustu he tekesà he iyan kes baal he midrewakan ku.

Micas 6:10 교차 참조

Erubasa 10:2

Is ketiǥeyunan he nekuwa te mezaat he paaǥi kenà ebpekeveǥey te keupiyaanan. Is metazeng he kebpengungubpaan ebpekelibri kenikew te kemetayen.

Erubasa 11:1

Igkeepes te Nengazen is limbung he paaǥi te kedtimbang, piru iyan din igkesuat is kenà kedlimbung.

Erubasa 20:10

Is kedlimbung pinaaǥi te timbangan wey is kedlimbung pinaaǥi te sukud, ne pudu igkeepes te Nengazen.

Erubasa 20:23

Egkeepesan te Nengazen is mge ebpemenlimbung pinaaǥi te timbangan. Kenà heeyan meupiya he vaal.

Erubasa 21:6

Is ketiǥeyunan he egkekuwa pinaaǥi te limbung, meǥaan dà egkehanew wey ebpekepevavà daan te umur.

Amos 3:10

Su iyan heini kes migkaǥi te Nengazen he MEGBEVAYÀ he ebpekesuǥat te Samaria: “Kenè dan metau he edtinazeng, ne is melig-en he menge vahin te inged dan, nepenù te menge azen he tinakew wey tinavan. Umbe edsurungen sikandan te menge kuntada zan ne ebpemengkaǥen is menge pengalang dan. Egkuwaan te menge kuntada is menge azen diyà te melig-en he menge vahin te inged dan.”

Amos 3:9

Keǥiyi niw is menge pengulu he ed-ubpà diyà te melig-en he menge vahin te Ashdod wey is diyà te Ehipto he medtiǥum sikandan diyà te menge vuntud he nekeliǥuy te Samaria ne ahàa zan is kegubut kayi he inged wey is kedlisliseza te menge meǥinged kayi.

Micas 6:9

Pemineǥa niw is migkaǥi te Nengazen diyà te inged he Jerusalem, su is edtahud kandin iyan duen din hustu he ketau: “Sikiyu is menge sakup te tribu te Juda, tiǥum kew ziyà te inged he Jerusalem ne pemineg kew.

Zefanias 1:9

Edsilutan ku zaan keniyan he andew is langun he midtampu te menge tulumanen te menge etew he wazà mekekilala kedì wey is menge mibpesipala wey nenlimbung su wey zan mepenù te menge azen is baley te egalen dan.”

Zacarias 5:6

Mid-insà a te, “Hengkey heeyan?” Midtavak sikandin te, “Revan heeyan he para te idtakes. Iyan ibpaalung keniyan is menge salà te menge etew ziyà te tivuuk he tanà te Israel.”

Josue 7:1

Piru midrapas iyan te menge Israilihanen is suǥù te Nengazen he kenè dan ibpekuwa te minsan hengkey he impurung en ipemuhat diyà te Nengazen. Su migkuwa si Acan te menge vutang he kenà engayan he egkuwaan, umbe utew nepauk is Nengazen kandan. Heini si Acan anak ni Carmi. Si Carmi anak ni Zabdi. Si Zabdi anak ni Zera. Heini sikandan sakup te tribu ni Juda.