Micas 5:8 - Manobo Western Bukidnon OT

⁸ Piru ebpekeuwit daan sikandan te kezeetan diyà te menge nasyun. Egkeiring sikandan te mevurut he erimaung he ed-etaki te menge langgam diyà te ketelunan wey menge kerehidu ziyà te penebtavà. Su emun ed-etaki heini ne edlingketawan din is ebiktimahan din wey ebpengeǥaten din ne kenè ne heini ebpekelingkawas kandin.

Micas 5:8 교차 참조

Genesis 49:9

Iring ka te nati he erimaung he ebpekaahà te edewiyen din, ne edlikù sikandin diyà te elesè din, ne ziyà sikandin edleku. Ne wazà minsan hentei he ebpekesamuk kandin.

Salmo 104:20

Mibeelan nu is kerusireman; ne emun mezukilem ebpemenggawas is mahabet he menge langgam diyà te ketelunan.

Salmo 44:5

Pinaaǥi kenikew egkezaag dey is menge kuntada zey.

Salmo 50:22

Pemineǥa niw heini, sikiyu is nengelipat te Megbevayà, su emun kenà, edezeetan ku sikiyu ne wazà ebpekelibri keniyu.

Erubasa 30:30

is erimaung, iyan utew mezesen te langun he langgam he wazà igkahandek,

Isaias 5:29

Dutun te ked-surung dan ebpengulahì dan he iring te edhiniǥer he erimaung. Ne is egkebiktima zan, ed-uwiten dan diyà te meziyù ne wazà egkelibri kandan.

Ezekiel 39:10

Kenè en kinahanglan he ebpengayu pa sikandan diyà te vevesukà wey ketelunan, su egkeǥamit dan en man he tavun is menge ǥumaan te kebpekidtebek. Umbe ed-eǥawan dan daan is menge nengaǥew kandan. Iyan a, is Nengazen he MEGBEVAYÀ, is migkaǥi kayi.

Hoseas 5:14

Su edsurungen ku is Israel wey Juda he iring a te erimaung he ebpitaspitas te egkezawi zin. Iyan a mismu edezaat kandan. Ed-uwiten ku sikandan diyà te zuma he menge nasyun, ne wazà ebpekelibri kandan.

Micas 2:12

Migkaǥi is Nengazen te, “Sikiyu is menge etew te Israel wey Juda he nengesamà he uuyag, edtiǥumen ku sikiyu iring te menge kerehidu ziyà te tudil etawa iring te grupu te menge uyaǥen diyà te pepenebtavà. Egkeeneb is tanè niw te etew.

Micas 4:13

“Sikiyu is menge meǥinged diyà te Zion, genat kew en ne zèdeeti niw is menge kuntada niw he iring te egunas kew te menge pungu. Su edhimuwen ku sikiyu he iring te tudu he vaka he putew is menge sungey zin ne brunsi is menge sulu zin. Edrunteken niw is mahabet he menge etew ziyà te menge nasyun he midtiǥum te kebpekidtebek keniyu. Ne is menge ketiǥeyunan dan he nekuwa zan pinaaǥi te kebpesipala ne idhalad niw kayi te kedì te Nengazen he iyan ebayàbayà te tivuuk he kelibutan.”

Micas 5:3

Ibeǥey te Nengazen is menge etew te Israel ziyà te menge kuntada zan, piru taman dà te ked-anak te vahi he ebeliliten te maama he ebpengulu te Israel.

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Zacarias 10:5

Edsevaha is menge etew te Juda ne egkeiring sikandan te mezesen he menge sundaru he edaag te menge kuntada zan he henduen dà te vasak diyà te menge zalan he edtekutakan dan. Ebpekidtebek dan su ǥeina te siak is Nengazen, dume e zan. Ne edaaǥen dan is menge pereuntud te kudà.

Zacarias 11:6

“Etura is menge etew ku su iyan a is Nengazen egkaǥi te kenè ku en egkehizuwan is menge etew kayi te kelibutan. Kedì he ketau is kegkesekupa te kada etew te iring din he etew wey te hadì din. Ne heini is dizalem te ǥehem dan is duma, kezeetan is ed-uwiten dan kayi te kelibutan, ne kenè ku edlibriyen is menge etew puun te ǥehem dan.”

Zacarias 12:3

Dutun he andew edhimuwen ku is Jerusalem he iring te meveǥat he vatu. Ne is minsan hengkey he nasyun he ebitbit kayi ne egkesazir. Is langun he menge nasyun kayi te kelibutan edsevaha te kedsurung diyà te Jerusalem.

Zacarias 14:18

Is menge etew ziyà te Ehipto he kenà edhendiyà te Jerusalem, ebpeeǥiyan daan te Nengazen te kezeetan iring te ibpaaǥi zin diyà te menge nasyun he kenà edhendiyà te kedsilibra te Pista te Kebaal te menge Lawig.

Zacarias 9:15

Ebpengelangan te Nengazen he Mekeǥeǥehem is menge etew zin. Bà dan dà edtekutaki is menge vatu he idlempawes kandan te menge kuntada zan. Egkaan dan wey ed-inum dan te kedsilibra te kezeeǥan dan. Ed-ugyab sikandan he henduen be te egkengelangut. Egkepenù is getek dan te inumen iring te yehung he egkepenù te lengesa he ibpirik diyà te purù te menge suyuk te pemuhata.

Malakias 4:3

Edtekutakan niw is lalung he menge etew ne egkeiring dà sikandan te igmuk he ebpenggiekan niw zutun te andew te kedhimuwa ku he mehitavù heini, migkaǥi is Nengazen he Mekeǥeǥehem.

Numero 24:9

Iring sikandan te menge erimaung he emun ebpekelipezeng en ne wazè en ebpeǥaruǥaru he ebpukew kandan. Edtuvazan is ebpenuvadtuvad kandan ne edrewakan is ebpenrawak kandan.”