Micas 5:7 - Manobo Western Bukidnon OT

⁷ “Is egkesamà he menge Israilihanen, ebpekeuwit te keupiyaanan diyà te mahabet he menge nasyun. Egkeiring sikandan te mahames he keramag wey uzan he ibpaaǥi te Nengazen su wey meketuvù is menge pinemula. Edsarig dan diyà te Megbevayà ne kenà diyà te etew.

Micas 5:7 교차 참조

2 Samuel 17:12

Ne ebpen-ahaan tew si David minsan hendei sikandin, ne edlingutan tew sikandin iring te zehemug he segugunà ebpekeeneb diyà te tanà; ne egkepatey tew sikandin wey is menge sakup din.

Salmo 110:3

Dutun te andew te kedtebeka nu te menge kuntada nu, andam is menge etew nu te ked-uǥup kenikew. Is menge vetan-en he menge etew nu edhendiyà te kenikew zutun te segradu he menge vuvungan he henduen be sikandan te menge zehemug emun meselem.

Salmo 133:3

Iring heini te zehemug diyà te Buntud he Hermon he nengetaktak diyà te Buvungan he Zion. Ne kayi te Zion medsaad is Nengazen te tuvad, he iyan is untung he wazà pidtemanan.

Salmo 72:6

Berakat he egkeiring sikandin te uzan he ebpekeveǥey te wahig kayi te kelibutan.

Erubasa 19:12

Emun egkepauk is hadì ne iring haazà te edhiniǥer he erimaung, iyan, is tavang din igkepetug-iring daan te zehemug he ebpekepetuvù te pinemula.

Isaias 32:15

Egkehitavù heini taman te ibpehendini te kenitew is Mulin-ulin he ebpuun te langit. Ne is sibsivayan egkehimu he uuzaran he vevesukà.

Isaias 44:3

Su ebeǥayan ku sikew te wahig he ebpekevawì te kegkemezahi nu wey edhames te memaza he tanè nu. Ebpeulinan ku te Mulin-ulin ku is menge kevuwazan nu wey edtuvazan ku sikandan.

Isaias 55:10

Is uzan wey is ayis ne ebpuun te langit, ne kenè en heini edlikù diyà emun kenè pa ebpekeveǥey te wahig kayi te kelibutan he ebpetuvù te menge pinemula he ebpekeveǥey te venì te menge ebpemula wey keenen te menge etew.

Isaias 66:19

Ibpeehè ku sikandan te singyal. Ne is egkesamà kandan, edhimuwen ku he menge menunudtulà, ne edsuǥuen ku sikandan diyà te menge nasyun diyà te Tarshish, Pul, Lud (he nevantug is menge etew zuen te kegkemememanè dan), Tubal, Grecia, wey ziyà te zuma pa he meziyù he menge lugar he is menge etew zuen he wazà mekezineg te ventuǥan ku wey wazà mekaahà te ǥehem ku. Edtudtulen dan is gehem ku ziyà te menge nasyun.

Jeremias 14:22

Ebpekehimu ve te ebpeuzan is menge ed-ezapen diyà te menge nasyun? Minsan is langit kenà ebpekehimu he ebpeuzan te kandin dà he ketau, kekenà, iyan ke zà, Nengazen, he Megbevayè dey. Iyan ke zà ebpekehimu kayi, umbe ebperateng key ziyà te kenikew.

Ezekiel 14:22

Piru zuen kandan egkesamà he uuyag, ne edumahan sikandan kayi te Babilonia ne idtampu keniyu su menge vihag daan sikandan. Egkeehè niw ke sengemenu kezaat is betasan dan wey menge ulaula zan ne egkaawà is kegkeseeng niw tenged te kedsilut ku ziyà te Jerusalem.

Ezekiel 47:1

Ne miduma a zuen te etew pelikù diyà te ǥemawan te valey te Nengazen, ne zutun duen neehè ku he wahig he edtudà pehendiyà te edsilaan he ebpuun diyà te zizalem te ǥemawan te valey te Nengazen. (Is baley te Nengazen, nekesinaru ziyà te edsilaan.) Mibelikùkù haazà is wahig diyà te zapit te egkekewanan he kilid te pemuhatà, dapit te zivavà kayi.

Ezekiel 5:5

“Iyan a, is Nengazen he MEGBEVAYÀ, migkaǥi te iyan heeyan egkeulaula ziyà te Jerusalem, kes inged he midhimu ku he utew impurtanti he lugar kayi te kelibutan.

Daniel 11:32

Edigdiǥen din is wazà medtuu te tinuuwan te menge etew te Megbevayà su para remeriki zan haazà is baley. Piru ebpekevurut he edsupak kandin is menge etew he nekekilala te Megbevayà.

Hoseas 14:5

Edtuvazan ku is menge tig-Israel. Egkeiring a te zehemug he ebpekevinyag te menge pinemula. Ed-uswag sikandan iring te liryu he ebpemulak. Ebmelig-en sikandan iring te kayu he sidru ziyà te Lebanon he mezalem is nesenevan te zalid din.

Hoseas 6:3

Ebpeninguhaan tew he mekilala tew is Nengazen. Siguradu he ebpekeuma sikandin iring te kedsilà te andew. Ebpekeuma sikandin iring te uzan he ebpekeveǥey te wahig diyà te tanà.”

Joel 2:32

Piru is minsan hentei he edangep diyà te Nengazen ne egkelibri te silut he edtelinguma. Su sumalà is migkaǥi te Nengazen, duen menge Israilihanen he egkesamà diyà te Jerusalem he migngezanan he Buvungan he Zion. Heini sikandan mibpilì te Nengazen he egkengelibri.

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.

Micas 2:12

Migkaǥi is Nengazen te, “Sikiyu is menge etew te Israel wey Juda he nengesamà he uuyag, edtiǥumen ku sikiyu iring te menge kerehidu ziyà te tudil etawa iring te grupu te menge uyaǥen diyà te pepenebtavà. Egkeeneb is tanè niw te etew.

Micas 4:13

“Sikiyu is menge meǥinged diyà te Zion, genat kew en ne zèdeeti niw is menge kuntada niw he iring te egunas kew te menge pungu. Su edhimuwen ku sikiyu he iring te tudu he vaka he putew is menge sungey zin ne brunsi is menge sulu zin. Edrunteken niw is mahabet he menge etew ziyà te menge nasyun he midtiǥum te kebpekidtebek keniyu. Ne is menge ketiǥeyunan dan he nekuwa zan pinaaǥi te kebpesipala ne idhalad niw kayi te kedì te Nengazen he iyan ebayàbayà te tivuuk he kelibutan.”

Micas 5:3

Ibeǥey te Nengazen is menge etew te Israel ziyà te menge kuntada zan, piru taman dà te ked-anak te vahi he ebeliliten te maama he ebpengulu te Israel.

Micas 5:8

Piru ebpekeuwit daan sikandan te kezeetan diyà te menge nasyun. Egkeiring sikandan te mevurut he erimaung he ed-etaki te menge langgam diyà te ketelunan wey menge kerehidu ziyà te penebtavà. Su emun ed-etaki heini ne edlingketawan din is ebiktimahan din wey ebpengeǥaten din ne kenè ne heini ebpekelingkawas kandin.

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Zefanias 3:13

Heini sikandan is egkesamà he menge Israilihanen ne kenà ebaal te mezaat; kenè dan edtarùtarù wey ebpenlimbung. Egkaan dan wey edlipezeng ne wazà ebpekepelihandek kandan.’ ”

Zacarias 14:8

Dutun he andew edtudà is utew meupiya he wahig puun te Jerusalem. Is ketengà kayi edtudà pehendiyà te Daǥat he Minatey ne is ketengà ne ebpehendiyà te Daǥat he Mediteraneo. Ebpedayun is kedtudà kayi ke ǥulavung wey tipenguzan.

Zacarias 9:13

Egemiten ku is Juda wey Israel he iring te panà. Edhimuwen ku is menge etew ziyà te Zion he iring te ispada he idsiwer ku, ne edezeetan dan is menge etew ziyà te Grecia.”

Deuteronomio 32:2

Is menge penurù ku egkeulug he iring te uzan etawa zehemug. Is menge lalag ku iring te mereǥes he uzan diyà te menge sagbet ne iring te virisbiris diyà te menge pinemula.

Zatù 6:36

Migkaǥi si Gideon diyà te Megbevayà te, “Migkaǥi ka he egemiten a kenikew te kedlibri te menge Israilihanen.